Të Paekspozuarit, “Të gjithë kundër reformës”, Basha: PD jo koalicion me Ramën, jo me Metën 02/06/16
03.06.2016 8:37
Përditesuar: 03/06/2016, 13:21

Të gjithë pro reformës, të gjithë kundër reformës. Një lojë që fillon dhe nuk mbaron një lojë me politikanë dhe ambasadorë të huaj.

Një lojë me reformë dhe një lojë pa reformë. Si konceptohet reforma në drejtësi? Kush fiton dhe kush humbet prej saj? Kush arrestohet dhe kush gëzohet?

Reforma në drejtësi, dekriminalizimi, reforma zgjedhore, pozita dhe opozita.

Të gjithë kundër reformes, i ftuar në studion e Të Paekspozuarit, kreu i PD, Lulzim Basha.

Titujt kryesore gjatë intervistës

Basha: PD jo koalicion me Ramën, jo me Metën
Basha: Kërkoj falje për reklamat shtetërore që i dhamë mediave gjatë qeverisjes sonë
Basha: Jam kundër martesave të homoseksualëve dhe birësimit të fëmijëve nga çifte të së njëjtës gjini
Basha: Po i humba zgjedhjet e 2017 do tërhiqem nga drejtimi i PD-së
Bushati: PD ka një konflikt me ndërkombëtarët për kohën e miratimit të reformës në drejtësi
Lubonja: Unë nuk kam shpresë as tek opozita
Lubonja: Kjo klasë politike ka dështuar
Bushati: Të kërkosh arkitekturë të re është si ta nisësh nga e para

Deklaratat kryesore të të ftuarve

Basha: Kërkoj falje për reklamat shtetërore që i dhamë mediave gjatë qeverisjes sonë
Basha: Po i humba zgjedhjet e 2017 do tërhiqem nga drejtimi i PD-së
Basha: PD nuk do bëjë koalicion as me Ramën dhe as me Metën
Basha: Jam kundër martesave të homoseksualëve dhe birësimit të fëmijëve nga çifte të së njëjtës gjini
Basha: Kriminelët në politikë i solli Edi Rama
Basha: Individët  me rekorde kriminale në PD do të largohet
Lubonja: Kjo klasë politike ka dështuar
Bushati: PD ka një konflikt me ndërkombëtarët për kohën e miratimit të reformës në drejtësi
Basha: Berisha ka gjurmët e tij në arritjet 25 vjeçare të Shqipërisë
Basha: Nuk jam për shtetin e të fortit, por për shtetin e së drejtës
Lubonja: Drejtësia nuk mund të vendoset pa një ndryshim të politikës
Lubonja: Unë nuk kam shpresë as tek opozita
Basha: Ligji i dekriminalizimit e pastron politikën shqiptare nga individët me rekorde kriminale
Bushati: Të kërkosh arkitekturë të re është si ta nisësh nga e para Basha: Kemi të bëjmë me dy modele të ndryshme mes nesh dhe PS
Basha: Arben Ndoka ka qënë mbajtës flamuri tek PD-ja

Intervista minutë pas minuti

Rakipi: Me mua sot në studio do të jetë kryetari i Partisë Demokratike, zoti Lulzim Basha. Mirëmbrëma zoti Basha, kënaqësi që jeni me mua.

Basha: Faleminderit për ftesën. Kënaqësia është e imja.

Rakipi: Bashkë me mua janë edhe dy gazetarë të njohur dhe shumë kritikë, Andi Bushati dhe Fatos Lubonja. Do të bëjmë një bisedë jashtë sloganeve, megjithëse ju do të përpiqeni ti keni, sepse partitë i kanë. Njëkohësisht, dua tu them teleshikuesve që ne nuk kemi video që përfliten në mediat sociale. Ne do të kemi një bashkëbisedim të hapur, por edhe kritik, me kreun e PD Lulzim Basha.

Të ndjekim raportin filmik dhe të kthehemi në studio.

 

***

Rakipi: Ky ishte raporti filmik që ne kishim përgatitur, ishte një renditje kronologjike e asaj çfarë ka ndodhur në këto dy vjet.

Basha: Për hir të së vërtetës s’ishte kronologjike, por do të kemi kohë që ti diskutojmë.

Rakipi: Në fakt, zoti kryetar, pjesa dërrmuese e të ftuarve të mi e kanë këtë vërejtje për editorialin që ne kemi. Fjalët janë ato, ngjarjet janë ato, fjalët e Berishës janë ato. Komentet ju mund ti mendoni ndryshe, ne ndryshe.

Duket se ju zoti Basha keni fituar një betejë të rëndësishme në këto tre vjet, atë të dekriminalizimit, megjithëse nisi si një shaka për kthimin e opozitës në parlament. Por një betejë tjetër, duket se po ju mbetet në derë. Kemi një britmë të madhe të mazhorancës, përfshirë edhe LSI-në për të votuar reformën në drejtësi sa më parë, zoti Meta thotë duhet të ishte votuar dje kjo reformë, dhe duket sikur kjo ju ka mbetur në derë. Ju keni thënë qartësisht, pas një procesi të tejzgjatur, që “ne kemi draftin tonë”. Çdo të thotë kjo, pas kësaj pune të bërë deri më sot?

Basha: Në radhë të parë, beteja e dekriminalizimit s’është një fitore e pastër e opozitës, por është një fitore edhe e shqiptarëve dhe e Shqipërisë. Dua të besoj dhe mëndja më thotë që nuk e kam gabim, që në këtë tavolinë, ku në shumicën e gjërave nuk jemi dakord me njëri tjetrin dhe në mbarë Shqipërinë, nuk ka shqiptar të ndershëm të bashkohet rreth dy vlerave themelore; politikës së pastruar nga krimi dhe votës së lirë. Unë kam kërkuar që në fillim një koalicion politik në radhë të parë, por edhe për këto dy parime. Kjo s’ka nisur si shaka. Ndonjëherë mendoj se përse është lënë kjo përshtypje te ju si ikonë e gazetarisë shqiptare siç jeni ju. Kemi një hendek brezash, kemi një hendek kuptimesh, nuk nisi kurrë si shaka. Unë e kam thënë që prej ditës së parë, më 14 korrik, që do të ndeshemi “dhëmbë për dhëmbë” dhe “sy për sy”. Kam cituar Dhiatën e Vjetër. Dhe do të fitojmë ne. Unë isha i bindur që kjo do të ishte një betejë që parimi do të bashkonte shqiptarët. Kështu ndodhi, bashkoi edhe kundërshtarët tanë, disa prej tyre nën zë dhe ndonjë prej tyre me zë siç është Blushi, që në këtë kuptim është një produkt politik. Në Kuvendin Kombëtar të PD-së, në kushtet e bojkotit, unë i shpalla kundërshtarit tim, se PD-ja me të vërtetë është larguar nga Kuvendi, por PD-ja kërkon të kthehet në Kuvend dhe për këtë kërkon një pakt për të çmontuar deri në fund korrupsionin.

Korrupsioni në drejtësi nuk është shkak, por pasojë e korrupsionit në politikë. Kjo është një bindje që unë e kam ndarë me partnerët ndërkombëtarë që në fillim. PD-ja s’ka ecur si dele pas reformës në drejtësi si shkopi magjik që do të shpëtojë drejtësinë. Është e rëndësishme, patjetër. Po ti thuash shqiptarëve që shkaku i të këqijave është drejtësia e korruptuar, kjo është të bësh delen. Korrupsioni në drejtësi është produkt i korrupsioni në politikë. Dhe maja e korrupsionit në politikë, është kriminalizimi i politikës. Kur e kam shpallur më 27 shtator 2014, se kam shpallur si nj rrugëdalje për të kthyer PD-në në Kuvend, por as jam tëhequr deri sa u firmos marrëveshja e Krishtlindjeve të vitit 2014, me ndërmjetësimin e BE-së. Shumëkush ishte skeptik. Deri para 24 orësh, ata që më lehtë skontonin dekriminalizimin si dështimin e radhës, besoj dhe shpresoj se kanë reflektuar. Një vend nuk mund të bëhet Evropian, nëse një vend nuk prodhon legjislacion dhe legjislacioni nuk zbatohet dhe këtu vijmë te pika e dytë. Edhe nëse sonte në darkë, në këtë moment, apo sa të dal nga studio, PD-ja dhe PS-ja, unë dha Rama biem dakord për paketën kushtetuese dhe ligjet, zero vlerë do të kenë ato nëse nuk zbatohen. Zero përmirësim do të ketë në jetën e shqiptarëve, por përkeqësim të jetës së tyre. Produkti është i rëndësishëm, por edhe koha është e rëndësishme.

Rakipi: Zoti kryetar, ju thoni që keni një draft tjetër.

Basha: Jo nuk e themi këtë. Është një keqinterpretim. Të gjithë thonë një draft i ri. Unë thash draft i konsoliduar, i yni sigurisht.

Për dekriminalizimin besoj se është koha të lëmë cinizmin, është një ligj i mirë, nëse funksionon, politika do të pastrohet nga krimi, sot edhe në të ardhmen. S’do të guxojnë të kandidojnë njerëz me rekorde kriminale.

Të vijmë te reforma në drejtësi. Cili është qëndrimi i PD-së? Kur kemi qenë në qeveri e kemi shpallur si një nga prioritetet kryesore. Nuk pati asnjë shans për konsensus me opozitën e atëhershme të drejtuar nga zoti Rama. Mezi, tre javë para zgjedhjeve, kaloi reforma e Gjykatës Administrative. Pse është e rëndësishme kjo për Shqipërinë? Një nga pjesët më të rëndësishme e reformës është Gjykata Administrative.

Në një demokraci ka tre pushtete; pushteti legjislativ, ky pushtet zgjedh dhe duhet të mbajë në parim qeverinë, atë që vendos taksat, atë që vendos zbatimin e politikave dhe është pushteti gjyqësor.

Rakipi: Unë po të pyes fare thjeshtë. Ku ndryshoni ju nga mazhoranca aktuale?

Do i kthehem edhe asaj. Reforma e Gjykatës Administrative është me të vërtetë e rëndësishme, pasi për herë të parë i jepet një pushteti tjetër, që është i treti, mundësia që të kontrollojë dy pushtetet e tjera, kryesisht ekzekutiv. E bëmë një reformë, edhe pse opozita refuzonte. Erdhi ky koalicion dhe shpalli reformën në drejtësi. Menjëherë sapo e shpallën si prioritet, ne iu bashkëngjitëm. Ajo pamje që dhatë aty me zotin Nishani, e shtatorit të vitit 2014, është në kohën kur PD-ja ka qenë në bojkot të Kuvendit, ka qenë në kulmin e luftës politike, por kurrë se kemi konsideruar këtë reformë si nevojë qeveritare, por si nevojë e qytetarëve, ne pavarësisht se ishim në bojkot shkuam në tryezën e reformës në drejtësi. Dhe aty, qëndrimet tona kanë qenë të qarta. Asgjë nuk ka ndryshuar nga ato qëndrime. Çfarë ndodhi pas kësaj, u hartua drafti i parë nga i cili u përjashtuan ekspertët e opozitës. Ne insistuam që të gjitha produktet e ekspertëve ad-hoc të gjykoheshin nga një palë e certifikuar siç është komisioni i Venecias, i cili është angazhuar në detyra të ngjashme në të gjitha vendet ish-komuniste, por edhe të vendeve të Europës Perëndimore. E kërkuam këtë dhe në veçanti për këtë draft, u thamë se kemi jo vetëm shqetësime, por edhe konstatime, se është një draft për të kapur drejtësinë nga politika. Shkoi në Komisionin e Venecias dhe më 21 dhjetor, ky komision e çmontoi, e hodhi në kosh të plehrave. Prapë na përjashtuan nga procesi që nisi pas kësaj. Më 8 dhe 9 janar, mediat kanë konstatuar non stop sesi ekspertët tanë apo të mazhorancës që fshiheshin nën petkun e ekspertëve të nivelit të lartë dhe nuk arrinin të lexonin Venecias sëbashku , sepse donin të bënin një tjetër draft paralel. Dhe prapë bën një tjetër draft paralel. Pra, atyre u mungonte vullneti për të na përfshirë, në komision apo kudo tjetër. Bënë draftin e dytë dhe ne bëmë kundërshtimet tona përsëri.

Erdhën përgjigjet nga Venecia për draftin e dytë. Përsëri i dhanë të drejtë opozitës. Ndërkohë, opozita kishte dhënë dakordësinë e saj për elementët antikorrupsion, çka është ajo që u intereson shqiptarëve. Strukturën antikorrupsion të prokurorisë dhe Byronë Kombëtare të Hetimit, por ashtu siç e ka BE dhe jo ashtu siç e donin këta. E mbani mënd siç e donin këta? Nën kontrollin e ministrit të Brendshëm.

Rakipi: Këta nuk ishin dakord me ndërhyrjen tuaj?

Basha: Pse u zgjata në këtë pikë. Opozita ka qenë pala më e angazhuar në reformë. Nëse kemi një produkt të kësaj reformë janë si pasojë e angazhimit të opozitës.

Rakipi: Nëse ti pyesësh të dyja palët, thonë të njëjtën gjë.

Basha: Ku do të ishte ky draft nëse s’do të kishim qëndruar ne në këto qëndrime? Ku do të ishte Byroja Kombëtare e Hetimit? Opozita ka qenë përcaktuese për ndryshimin e draftit.

Tani është keqkuptim që opozita po del me draftin e vet.

Rakipi: Zoti Kryetar, ndoshta ju nuk jeni shprehur qartë, se keni thënë se “ne kemi draftin tonë”. Përfaqësuesi që ka punuar për këtë reformë, zoti Bylykbashi, në studion time ka thënë të njëjtën gjë.

Basha: Sështë draft i ri. Janë amendamente të dakordësuara, për komponentin antikorrupsion. Janë elementët anti-korrupsion, për të cilat tashmë ka dakordësim dhe janë dy çështje për të cilat Venecia s’ka sjellë rekomandime, por ka thënë që këto janë çështje që duhet të vendosen nga palët politike: çështja e vendimmarrjes dhe arkitekturës së institucioneve të reja të drejtësisë.

Rakipi: Pra, Venecia nuk është shprehur për dy probleme.

Basha: Ka thënë që për këto dy çështje duhet të vendosin palët politike. Arkitektura dhe vendimmarrja. Dhe ne, për këto dy çështje, pasi pritëm që mazhoranca të tregonte seriozitet, ne bëmë propozime si do ti zgjidhim politikisht çështjen e vendimmarrjes dhe çështjen e arkitekturës. Këto s’janë kushte, por propozimet tona, si do të zgjidhen këto dy elementë të fundit, të cilat përfundojnë paketën Kushtetuese.

Rakipi: Ju doni vendimmarrje me 2/3 dhe socialistët duan me 3/5.

Basha: Jo nuk është kjo, më 25 janar, opozitës i është propozuar nga faktori ndërkombëtar që në modele të ndryshme ekzistuese në botë, të përcaktojë modelin me të cilin ndihet komod, se kapja politike e institucioneve të drejtësisë do të shmanget dhe ne kemi përcaktuar modelin e vendeve të rezervuara, modeli i paraqitur nga faktori ndërkombëtar më 25 janar. Për ne, çështja e vendimmarrjes është e mbyllur, pasi faktori ndërkombëtar ka garantuar se ne zgjedhim një nga versionet e ofruara, me dokumente zyrtari nga faktori ndërkombëtar, atëherë ata do të bindin mazhorancën ta pranojë. Dhe, ne kemi zgjedhur një sistem me standarde perëndimorë, të vendeve të rezervuara. Venecia e ka përcaktuar se nuk mund të merren vendime nga një mazhorancë që posedon 3/5. Ne kemi rënë dakord, 2/3 dhe më vonë me 3/5.

Rakipi: Thelbi i pyetjes sime është zoti Lubonja dhe zoti Bushti është që pavarësisht nga teknalitetet apo ekspertiza që ka punuar, etj., etj., politika nuk është e qartë dhe duket që e shtyn në kalendat greke këtë proces. Çështë opinioni juaj, për t’ia thënë këtë kryetarit të Partisë Demokratike?

Lubonja: Kjo fjalë reformë në drejtësi është mistifikuar jo vetëm nga politika jonë, por edhe nga ndërkombëtarët, si një premtim, apo shpresë për shqiptarët. Ajo që pres unë është se, e kam thënë edhe për Edi Ramën, që të mbarojë kjo shpresë. Më mirë që të vinte tani dhe ta kuptonim, që edhe Rama ishte pjesë e atij sistemi që është ngritur në 25 vjet. Këtu jam dakord me kryetarin e partisë, ku edhe korrupsioni në drejtësi është rezultat i korrupsionit në politikë. Unë them që duhet aprovuar reforma në drejtësi, që shqiptarët të kuptojnë apo të binden se është njësoj si Rilindja, si mjekësia falas, si punësimet, pra shqiptarët të kuptojnë se nuk falet drejtësia nga gangsterët dhe ndërkombëtarët. Shqiptarët të kuptojnë se edhe ndërkombëtarët ia fusin kot sipas mendimit tim. Shqiptarët të kuptojnë se drejtësia, ashtu si liria, fitohet duke luftuar përditë për të, kundër gangsterëve. Tani, për fat të keq, këto parti nuk e duan drejtësinë. Dhe për këta është më mirë që të flitet, kujt t’ja vënë fajin. Reforma në drejtësi është bërë si një lloj loje për ta paraqitur si një shpresë, dhe kush është kundër kësaj është i keqi. Dhe këtu zotëri, unë pres tjetër gjë.

Basha: Është bërë një lojë dhe është e drejtë. 6 herë e dëgjuam Ramën se ne jemi për reformën, sikur ne jemi kundër reformës. Ky është investimi më madhor i Edi Ramës në këto dy vite. Ta marrim këtë çështje me arsyeje. Arsyeja është kyçi i përparimit. Në kushtet që qeverinë e kemi denoncuar për afera deri në palcë, si mund që PD-ja, të mos ketë interes në një mekanizëm gjyqtarësh dhe prokurorësh të pavarur që të nisin hetimet dhe gjykime, dhe dënimeve të personave me pushtet. Kjo s’ka sens që ti thuash PD-së se nuk e do reformën. Unë e kam thënë shpeshherë, që për PD-në, një drejtësi e pavarur, e pahapur politikisht, do të ishte një aleat, jo politik, e opozitës si institucion, për të denoncuar dhe dënuar krimin. Strategjikisht ky është qëndrimi ynë. Shpresat tona për një reformë të vërtetë të këtij lloji kanë qenë të zbehta. Pse do të investojë Edi Rama, tutori i Roshit, Bushit, Prengës, Ndokës, Beqës, Kokëdhimës, apo Ilir Meta, pse do të investojnë këto dy individë, sot një vit para zgjedhjeve, pse do të rrezikonin që para zgjedhjeve të ardhshme, të kishin prokurorë dhe gjyqtarë të pavarur nëpër këmbë, të hetonin skandalin e CEZ-it, apo vjedhjen 400 milionë në doganë. Që të hetonin skandalin Tahiri-Habilaj.

Lubonja: Po mirë, se ka edhe skandale më përpara, para se të vinin këta në pushtet.

Basha: Të flasin për sot, se ka një sot dhe flasin edhe për dje kur të duash.

Lubonja: Drejtësia nuk merret me tre vjet.

Basha: Ky është interesi politik i zvarritjes së reformës. Ne kemi investuar në moskapjen e drejtësisë, as në strukturë institucionale as në vendimmarrje. Na anë thënë; A jeni dakord për strukturën antikorrupsion? Për BKH-në? U kemi thënë po. U bë një maskaradë dhe dolën dha na thënë se është ky versioni për BKH-në, se ata që do të hetojnë krimin do të ishin në sqetullën e Tahirit. Sigurisht nuk ishte ky versioni. Versioni është ky që është tani. Njësia hetimore është nën prokurori.

Rakipi: Të njëjta gjëra thonë ata për ju…

Basha: Të lutem mos e relativizo.

Rakipi: Qeveria e Sali Berishës është e ngarkuar thonë edhe ata të mazhorancës dhe këta (PD-ja) nuk do të bëjë reformën.

Basha: Nuk është një vërejtje personale e asnjërit prej jush. Në një demokraci ka gjithmonë opozitë. Po spati opozitë nuk ka demokraci. Natyrisht shpeshherë, apo gjithmonë, opozita është se ka ardhur edhe nga një qeverisje. Por, opozita s’mund të jetë ish-qeverisje. Është opozita e vendit. Pra, të thuash të gjithë janë njësoj, është antidemokratik.

Bushati: Zoti Basha hodhi sfidën me racionale të mundshme, gjë që besoj se unë dhe shumë të tjerë ia kanë bërë pyetje vetes. Pse një opozitë s’do të ishte e interesuar, unë ndaj të njëjtin mendim me zotin Basha, kur është përballë një qeverisje e zhytur në krim që të mos kishte reformë në drejtësi. Duket racionale në radhë të parë, po ku është problemi?! Le ti kthejmë pak sytë mbas. Unë mendoj se kjo opozitë ka më tepër garanci në një drejtësi të kontrolluar nga Edi Rama sesa një drejtësi që është futur edhe një faktor i tretë, në një drejtësi e kontrolluar nga ndërkombëtarët, BE-ja dhe SHBA-ja. Le ta kthejmë filmin pak në vitin 2013. I mbani mënd diskurin e Edi Ramës për të ardhur në pushtet. Çfarë thoshte? Do të dënojmë Gërdecin, do të dënojmë 21 Janarin, do të kthejmë koncesionet e vjedhjeve të mëdha. Sot jemi tre vjet, është bërë ndonjë gjë? Pra, kjo qeverisje e inkriminuar, në një farë mënyrë absurde, është edhe garanci për qeverisjen e kaluar. Dhe, sado antagonist të jenë këta me njëri-tjetrin, aq bashkë bëhen për të mos e lejuar sistemin që të hyjë edhe një palë e tretë, e cila po hyn në pakt, me amerikanë dhe brukselianë që mund të na vendosin prokurorët, gjyqtarët, njerëzit që do hetojnë dhe gjykojnë politikanët. Të tërë këta nuk e duan. Unë jam një nga ana që besoj se opozita ka bërë ç’është e mundur që ta shtyjë për kalendat greke reformën dhe ka gjetur hap pas hapi pretekst. Opozita se ka dashur procesin.

Basha: Pse s’është e vërtetë kjo që thotë zoti Bushati? Çfarë kërkojmë ne sot? Çfarë kërkon drafti ynë? Këta thonë për procesin e Vetingut do ketë 12 gjyqtarë të gjyqtarëve dhe 7 apo 9 të gjyqtarëve, të gjyqtarëve, të gjyqtarëve. Venecia u tha në dhjetor se Shqipëria nuk ka kapacitete dhe se një skemë në këtë sistem është e ndërlikuar dhe është vulnerabël për kapjen nga politika. Kapet më lehtë dhe i bëhet trysni më e lehtë politike. Dhe, ne e ndajmë këtë shqetësim, si sot në opozitë dhe dje, ne e dimë ç’heqim për të gjetur kandidatë dinjitozë për në Gjykatën Kushtetuese. Si mund të garantojmë se këta s’do të jenë të kapshëm politikisht nga një ekzekutiv i gjithpushtetshëm.

Rakipi: Zoti kryetar, Bushati thotë se në këtë proces 25 vjeçar ju jeni bashkë.

Basha: Informacioni i ri është ky, çfarë është propozimi ynë në këtë pikë. Propozimi ynë në këtë pikë nuk është për, siç e the për paksim, por për shtim të rolit të ndërkombëtarëve. Dhe në ç’formë? Tani thonë ndërkombëtarët për monitorimin e shtatëshes. Jo, ska nevojë monitorimi i tyre, s’ka nevojë për 7 apo 12, ne kemi krijuar me këtë draft dy institucione të reja, këshillin e lartë gjyqësor dhe këshillin e lartë prokurorial, i cili përbëhet nga 6 anëtarë të korporatës dhe 5 anëtarë të zgjedhur politikisht, përmes një skeme të testuar në perëndim, të kontrollit dhe balancave. Pse mos të verifikojnë këto dy trupa të kaluarën gjithashtu. Në momentin që janë testuar si njerëz me integritet, por testimin s’do ta bëjnë siç është në draftin aktual shqiptar të monitoruar nga ndërkombëtarët, por drejtpërdrejt një skuadër ndërkombëtare. Jo vetëm do ti testojnë, por atë mision të asistencës, që e parashikonin për dy skuadrat e verifikimit, ta vendosin në këshill. PD do një mbikëqyrje më të rreptë ndërkombëtare.

Bushati: Fatkeqësisht jo.

Basha: Unë them fakte, ti më pas mund të thuash opinione. Fakti është se ne kemi kërkuar mbikëqyrje në zemër të sistemit. Kjo është një provë më shumë që PD-ja si trembët mbikëqyrjes ndërkombëtare, si trembet sistemit të ri, por kërkon garanci më të forta, që është kapja politike, që është presioni.

Bushati: Para se të dal te vazhdimi kam diçka në raport me audiencën, nëse Basha ha kohë me detaje, mua dhe Lubonjës nuk na duhet audienca. Njerëzit ndryshojnë telekomandën dhe humbet Basha. Pse mendoj ….

Basha: E vërteta është me e rëndësishme se audienca. Në djall shkoftë audience se për hir të audiencës ka shkuar vendi këtu ku është.

Bushati: Dakord, prej asaj audience që keni stimuluar ju në mënyrën më të keqe.

Basha: Unë jam i modelit tjetër, e ke kryeministër atë.

Bushati: Me reklamat shtetërore në mënyrën më të tmerrshme.

Basha: Kërkojmë falje për ato.

Bushati: Dakord, pranohet.

Rakpi: Kërkoni falje për reklamat shtetërore që keni përdorur?

Lubonja: Ky është lajm, për mediat që e kanë sponsorizuar.

 

Bushati: Unë jam i bindur se PD-ja, ndryshe nga ç’thotë zoti Basha, është në një konflikt të hapur me ndërkombëtarët. Unë jam me Lubonjën që thotë se drafti i ndërkombëtarëve duhet marrë dhe duhet grisur, pasi ka shumë probleme, tani kjo është tjetër gjë. Tani unë po gjykoj raportin tuaj me ndërkombëtarët, që është një raport i pasinqertë. Nëse preokupimi juaj qenka që ti jepni më shumë pushtet ndërkombëtarëve, s’do kishim thirrje nxituese të ndërkombëtarëve, votojeni shpejt, tani.

Basha: Unë i refuzoj këto thirrje. I kam refuzuar prej fillimit.

Bushati: Edhe unë i kam refuzuar prej fillimit, por jeni me ndërkombëtarët në kontradiktë.

Basha: Jam apo s’jam në kontradiktë, këtë e tregon historia ime politike. Po ta përsëris përsëri, koha s’është me e rëndësishme sesa produkti. Çfarë refuzoj në retorikën e ndonjë ndërkombëtari, apo ndërkombëtareje.

Bushati: Jeni totalisht kundër.

Basha: Jo. Ne e sollëm deri këtu reformën.

Bushati: E Kuptoni se çfarë gjëje jo logjike thoni. Ju thoni që duam kohë, ata thonë shpejt dhe tani. Komisioneri Hahn thotë që duhet të nxitoni.

Basha: S’ka për të pasur nxitim.

Bushati: Thoni që e duam Brukselin më shumë në PD, seç do Brukseli veten.

Basha: Pse merresh me josubstancën. Ne themi që produkti është i rëndësishëm për dy arsye.

Bushati: Jeni në kontradiktë me ndërkombëtarët. Unë jam dakord që procesi të zgjatet, këta ju thonë tani.

Basha: Je jashtë substancës, je në protokoll. S’është ajo substanca.

Bushati: Substanca është që ju jeni në kontradiktë me ndërkombëtarët.

Basha: Opozita është gardiania e qeverisë. Çfarë është e rëndësishme, që të miratojmë javën e ardhshme këtë reformë, që opozita thotë është defektozë dhe do të çojë në kolaps, do të çojë në kapje politike, të një sistemi që është kyç në luftën kundër krimit dhe korrupsionit. Dhe në këtë mënyrë, të balsamosin Republikën e Shqipërisë që këtu problemi kryesor janë gjyqtarët dhe prokurorët, që padyshim që janë një pjesë e madhe e të korruptuarve brenda tyre. Por, këtu s’është problem as Shullazi, as Tahiri apo Kokëdhima. Korrupsioni në drejtësi është produkt i korrupsionit politik. Duke qenë se ne kemi korrupsion politik, unë dhe partia që drejtoj, jemi pro reformës në drejtësi, kundër çdo zyrtari apo ish zyrtari të Partisë Demokratike.

Rakipi: Të gjithë e kanë kapur drejtësinë zoti Basha…

Basha: Kapja e sistemit ka pasur një autorë dhe një prej autorëve është kryetari i komisionit. Venecia i dha dy herë të drejtë opozitës.

Bushati: S’më sqarove këtë, ose ndërkombëtarët thonë votojeni shpejt.

Basha: Këtu re dakord me mua që Komisioni i Venecias i dha të drejtë opozitës.

Bushati: Ata thonë votojeni shpejt.

Basha: Opozitës i thua bravo se Venecia i dha dy herë të drejtë dhe këtej më thua që jam në konflikt me ndërkombëtarët. Nëse ka një forcë politike që është koherente me standardin euroatlantik, është PD-ja.

Bushati: S’është në rregull komisionari Hahn.

Basha: S’merremi me komentet e komisionarit e Hahn. Unë jam kryetari i opozitës, nuk komentoj Hahn-in.

Rakipi: Këtyre ambasadorëve mund edhe tu thuhet se ne nuk e bëjmë këtë reformë, na lini rehat! Ose do ta bëjmë ne, nuk do ta bëni ju dhe mos të vazhdojë gjatë.

Lubonja: Jam kundër faktit që shtohet roli i ndërkombëtarëve që Bushati e quan kaq të rëndësishme. Zotëri e keni parasysh se çfarë ka ndodhur në këta 25 vite, dhe duke parë këto, analizoj dhe aktualitetin. Ka 25 vjet që shpresojmë të na shpëtojnë ndërkombëtarët, të na sjellin demokraci. Çfarë ka ndodhur? Ju kujtohet, kur ndodhi ngjarja e 21 janarit, si thonin këta të opozitës, ti çonim në Amerikë provat. Prokurori i Përgjithshëm thoshte do ti çojmë në Amerikë. Parimi është ky që këtu s’ka kredibilitet, që siç thoni ju që mazhoranca do të kapë drejtësinë, ashtu thonin edhe këta. Që këtu fillon problemi, nëse ne do të rrisim rolin e ndërkombëtarëve për të garantuar drejtësinë, dhe këtu jam kundra, do të pranojmë dështimin e kësaj klase politike. Një klasë politike e paaftë që nuk zgjedh dot një drejtësi, duhet të iki. Nëse ajo thërret ndërkombëtarët që t’ia bëjë drejtësinë, atëherë duhet të iki. Dhe ti kthehemi çështjes ndërkombëtarëve, kështu i trajtojnë këta. Lu i thotë u turpëruat, u flet si fëmijë dhe këta bëjnë rolin, t’jua fusin dhe ti mashtrojnë. Në s’jemi protektorat, edhe Kosova edhe pse ka pasur EULEX-in, është mbytur në korrupsion, megjithëse ka pasur gjykata të kontrolluara nga ndërkombëtarët. Çështja nuk është te drejtësia, por e gjitha është te klasa politike.Kur këta thonë ndërkombëtarët për garanci, kjo është për një lojë, është inefikase. Unë flas për shtet të së drejtës, këtu ka shtet personash. Ke parë që Sali Berishës i çojnë telegrame, sms Berishës, pse ia çojnë Sali Berishës? Se kanë besim te banda tjetër sesa tek shteti i së drejtës. Të dyja palët e kanë këtë lojë. Drejtësia zotëri për mua s’mund të vendoset pa një ndryshim rrënjësor të politikës shqiptare, ku nënkuptoj një ndryshim që vjen nga një forcë politike që u bën trysni dhe i transformon edhe këta. Sesi do të lindë kjo se di, po shpresë këta nuk kam.

Basha: Mënyra për të dalë nga kjo krizë politike, institucionale, emocionale të shqiptarëve është një republikë e rithemeluar. Nuk është se Republika gjatë kësaj kohe nuk i bëri mirë disa gjëra. Bëri shumë prej tyre, unë s’jam nihilist dhe s’mund të jem nihilist në këtë plan, aq më tepër që kam kontributin tim gjatë kësaj kohe, ku Shqipëria u fut në NATO, ku shqiptarëve iu hoqën vizat dhe iu kthye dinjiteti dhe Shqipëria mori aprovimin për vend kandidat për në BE.

Lubonja: S’po të ndërpres, po dinjitetin e kemi në fund të këmbëve ne. NATO është fjalë retorike. Unë s’kam asnjë gjë, unë skam asnjë gjë, dinjitet jo e jo, drejtësi, ti më thua NATO.

Basha: Tendenca për të vënë shenjën e barazimit un refuzoj ta pranoj dhe mua më vjen keq që ti një forcë politike e quan bandë. Unë s’besoj se PS-ja dhe PD-ja janë një bandë.

Lubonja: Vetë i ke thënë që janë bandë, Shullazi etj.

Basha: Banda e ka zaptuar, ky është ndryshimi.

Lubonja: Unë besoj se ju jeni njësoj.

Basha: Kemi një hendek midis të sotmes dhe të kaluarës. PS-ja s’është bandë, por PS-në e ka zaptuar një bandë dhe e detyron të sillet si bandë. Unë kam bërë zgjedhje me një anëtar dhe një votë, për kryetarët e rretheve, për të rinjtë. Unë besoj te demokracia. Tu thuash shqiptarëve që nuk funksionon demokracia është e tmerrshme. Do e zgjidhim duke e forcuar votën e lirë, duke e forcuar individin. Duke e dobësuar të fortin në politikë, në media, në banka, në rrugë.

Respekti për individin është themeli i demokracisë. Këtu individi shkelet me këmbë, s’ka respekt për individin. Kulti i të fortit duhet të asgjësohet. Ti mohosh vendit opozitës, është ti mohosh vendit demokracinë. Në fakt unë ju kam ftuar publikisht, po ju ftoj dhe sot, urdhëroni dhe bëni kritika se çfarë do të bëjë më mirë opozita, por ka një opozitë që ndeshet dhëmbë me dhëmbë.

Bushati: Me njërën pjesë të qeverisë.

Basha: Me të dyja. Ne jemi opozitë ballore dhe frontale, ndaj qeverisë Rama-Meta. Rama është shefi i mazhorancës. Teza kryesore që dhe është se ne jemi të pa interesuar.

Lubonja: Jeni të painteresuar për drejtësi.

Basha: Ashtu siç edhe e thash, ka nevojë për një rithemelim të Republikës. Jemi për shtetin e fortë. Unë nuk jam i shtetit të së fortit, ky është formimi im. Faktet tregojnë të kundërtën dhe PD-ja çmontoi një kapje të drejtësisë. Jam dakord me ty, që reforma ta kthente pushtetin e qytetarëve. Çfarë mund të bëjmë? Si mund të ndërtojmë një sistem të mirë? Këto janë pyetjet që mund të bëhen dhe ti përmirësojmë.

Lubonja: Më the që s’jemi njësoj.

Basha: Këtu ka njerëz që kanë vënë bast që PD-ja po gënjente për BKH-në, faktet treguan të kundërtën.

Lubonja: Për Venecian jam dakord dhe unë që këtu ka problem, kapje politike në parim. Që Edi Rama do kapje, se diskutoj fare. Kjo është e ditur. Problemi që ngrihet, që është, se lind këtu se janë banda, a janë njësoj. Problemi që kemi ne mes opozitës, është që historia që del në opozitë. Në këtë moment, historia harrohet. Kjo situatë edhe sikur të jesh gjeniu e së keqes, nuk bëhet për tre vjet. Kjo drejtësi e korruptuar ka një sistem të ndërtuar. Unë si qytetar, unë vë gishtin te anët negative dhe mendoj se ky sistem ka degjeneruar.

Basha: Degjenerimi ka nisur në kohën tonë. Kapja e sistemit ka ndodhur në vitin 1990-2005, kur ministri u bë kryetar i gjykatës. Pastaj çfarë ndodhi?

Bushati: Vitet 1990-1997 ka qenë fatale.

Lubonja: Më lër të mbaroj. Ke ardhur në vitin 2005 në pushtet duke thënë klani i Zenunit, baronët e drogës. Ke thënë që unë do të rregulloj këtë, baronët e drogës. Ju keni thënë që Edi Rama erdhi në pushtet me kriminelët. Atëherë zotëri, këta kriminelët kur ju ishit në pushtet ku ishin? Ku po mbillnin kanabisin, çfarë bërë ti kur kishe policinë, ushtrinë, SHISH-in. Ti si luftove se një pjesë ishin me ty, apo ishin me PS-në dhe ky është sistemi. Kur vjen puna te banda, më mirë dy banda sesa një, se na merr lumi. Të kam provuar dy herë kur ke qenë në pushtet.

Basha: Për bandat, unë mendoj se duhet ta korrigjosh. Unë s’pranoj që të rinjtë e Lezhës, nga të cilat vij, s’janë pjesë e bandës. Unë mendoj se duhet ta rishikosh, as PS-ja s’është bandë, por është e izoluar nga një bandë. Unë besoj se një bandë e izoluar do të mundet nga demokracia. Çfarë bëtë për tetë vite? Çfarë kishim në dorë ne e bëmë, veçanërisht në 2005-2009, me qindra të arrestuar, nga Aldo Bare e deri tek Dritan Dajti. Unë flas me fakte. Faktet janë këto që ne i futëm në burg këta njerëz, por mos harro se kush ishin prokurorët. Më mirë një prokuror në konflikt me qeverisë sesa i kapur. Por, gjatë qeverisjes sonë, prokuroria nuk i shërbeu luftës kundër krimit të organizuar. Të marrim Arben Ndokën. Në fakt, pjesa më e madhe e fisit Ndoka janë me PD-në. Ai, detyrën më të lartë me ne e ka pasur të vinte flamujt. Nga varës i flamurit, kërkoi të merrte ofiq. Partia në aleancë me ne e vuri drejtor, i thamë o hiqe ose dil nga koalicioni. Partia në koalicion me ne zgjodhi ta hiqte. Më pas, Edi Rama e futi në listë dhe hoqi dy gra dhe e futi në Parlament. Pra, ky ishte mekanizmi i zotit Rama. Ky është mekanizëm, pse Arben Ndoka vinte flamur për PD-në, por nga ana tjetër ke dikë që e mori atë, që ne e hoqëm, dhe e bëri deputet dhe e solli për ti imponuar dhunën, kundër medias, kundër bizneset. Tashmë ndërton pa leje në Lezhë, vendos se kush emërohet apo shkarkohet në dogana.

Rakipi: Zoti Basha, përse ju bojkotoni Parlamentin kur përjashtohet Sali Berisha? Duket sikur mbani zi. Sali Berisha, ashtu si të gjithë deputetët e tjerë duhet ti nënshtrohet rregullave dhe kur i thyen ato edhe mund të përjashtohet. Përse vjen bojkoti juaj? A është kjo një tjetër mënyrë për ta shtyrë miratimin e reformës?

Basha: Çfarë tha Berisha në seancën e fundit? Asnjë gjë, denoncoi fuqimisht aferat e Edi Ramës me krimin. Ishte në leksikun e tij. Çfarë është përjashtimi i tij. Ai s’është vetëm lideri i të djathtës, por gjatë 25 viteve ka dhënë kontribute të çmuara për vendin. Këta e godasin për qëllime të ndërthurura, këta e godasin për të dekurajuar PD-në dhe për të vonuar reformën. Qëndrimi i grupit të PD-së është qëndrim kundër këtyre qëllime, ndëshkimin e tij për denoncimin e krimeve etj. Grupi tregon solidaritet me liderin e tij kryesor, sa herë që do të goditet për këto motive, PD-ja dhe grupi parlamentar s’do ta lërë Sali Berishën pa solidaritet.

 

Rakipi: PD-ja, kohët e fundit ka pasur argumente kundër kësaj mazhorance. Më ka bërë përshtypje se ju prishni atë çka ndërtoni në një mënyrë shumë të çuditshme. Përshembull, ndodhi rasti i fundit, Roshi ku ai jep dorëheqjen, dhe ju tani thoni se duhet të hapet dosja Edi Rama, që ka vrarë në Spanjë, dhe befas ju bëni qesharakë rastin konkret.

Basha: Unë s’jam dakord me opinionin tënd.

Rakipi: Neve na pëlqen të jemi në opozitë zoti Basha, që ti befas ndërton një skemë tjetër që s’ka lidhje fare.

Megjithatë, do ta votoni ju reformën në drejtësi dhe kur do të ndodhë kjo?

Basha: Kemi dhënë kontribut në BKH-në, në institucionet e tjera, përsa i përket çështjeve proceduriale, ne i qëndrojmë rekomandimeve të Venecias, vende të rezervuara për autokrate. Unë besoj se BE-ja ka qenë e qartë se do të jetë fillimi i monitorimit, por janë çështjet e zbatimit të ligjit, të dekriminalzimit apo të zgjedhjeve të lira dhe të ndershme.

Rakipi: A do ta votoni reformën në sezonin parlamentar që po mbyllet?

Basha: Unë nuk besoj që Shqipërisë do ti hapen negociatat thjesht për votimin e reformës. Unë besoj se BE-ja ka qenë e qartë se fillimi i implementimit janë ato që do të përcaktojnë gjykimi e BE-së, siç janë zbatimi i ligjit, apo zgjedhje të lira dhe të ndershme. Kjo është bindja ime dhe këtë e kam shprehur publikisht.

Bushati: Unë vë bast që nuk do e votojnë. Unë jam i bindur që për arsyet e saj, që mund t’i diskutojmë, PD-ja nuk e do këtë reformë. Pavarësisht deklarimeve, mund të sjell disa fakte pse PD se do këtë reformë. Basha ka në grupin parlamentar disa deputetë që kanë vënë këtë kleçkë për tiu kundërvënë reformës se do na legalizohen martesat gay. Nuk e quajmë ne këtë. Nuk janë shembuj të vegjël që në ditën që shkojnë dy ambasadorë në grupin parlamentar të PD-së ikën dhe zoti Berisha dhe zonja Topalli është një sinjal për të gjithë PD-në se çfarë mendojnë ata për reformën. Mua vetë personalisht, besoj se edhe zotit Basha ia kanë thënë, ka deputetë të PD-së që vërtet janë të bindur që kjo reformë vetëm e bën lëmsh sistemin e drejtësisë, ndaç dhe partia ta votojë ne nuk e votojmë.

Në moment, pas dy vjetësh punë të rivësh në pikëpyetje arkitekturën e institucioneve është ta fillosh reformën nga fillimi. E fundit, është konflikti me ndërkombëtarët, nuk është diferencë e vogël kjo. Zoti Basha, shpeshherë thotë, unë jam dakord me këtë, që për një reformë kaq të rëndësishme, nuk është e rëndësishme koha. Ndërkohë, që ndërkombëtarët, për arsyet e tyre, na thonë dhe na përsërisin refrenin që koha është e rëndësishme. Pra janë këto pika, që megjithëse PD-ja thotë se ne nuk e votojmë, çdo njeriu që di të lexojë nën rreshta është i bindur se PD-ja nuk e voton.

Basha: Thelbi është që PD-ja, pas dy vjetësh kërkon arkitekturën e institucioneve dhe kërkon të nisë nga fillimi. Këtë the. Më vjen keq por kjo nuk qëndron.

Unë e di që është punë e mundimshme. S’ka pasur arkitekturë për dy vite, por është hartuar në shtator të vitit të kaluar. Arkitektura e shtatorit është rrëzuar. Nëse s’do të kishim kundërshtuar ne, do të ishte përtokë. PD-ja insistoi që BKH-ja të mos ishte me ekzekutivin. Pra, ne insistuam dhe fituam një betejë për shqiptarët. Ne kemi një paketë gati, ne e kemi përmirësuar në aspekte themelore. Ka mbetur aspekti si do të funksionojë; ka vetëm një kusht, kemi ofruar një model. A mund të më thuash ti, apo cilido koleg apo jurist, apo ekspert ndërkombëtar, se çfarë problemi ka me propozimin tonë. Kundërshtarët tanë s’kanë thënë asnjë. Askush s’thotë që kjo që propozuat ju ka këto probleme. Për pjesën e dytë, që Venecia thotë zgjidheni mes partive, ata s’duan ta lexojnë. Ka një propozim, nëse e shikoni atë propozim, një aspekt të vetëm të kapjes, atëherë unë jam gati të dal në sheshin “Skëndërbej” dhe them që kam gabuar. Mishërohet standardi perëndimor, apo euroatlantik.

Rakipi: Disa deputetë të PD-së (përfshirë dhe zotin Berisha), kanë deklaruar se nuk do ta votojnë reformën në drejtësi nëse ndryshohet preambula e Kushtetutës për të përfshirë ‘mosdiskriminimin për shkak të orientimit seksual’, pra siç është drafti aktual. Kjo gjë sipas tyre do t’i hapte rrugë miratimit të martesave LGBT. Cili është qëndrimi juaj lidhur me këtë çështje? A mund ta kushtëzojë kjo gjë reformën? A është kjo një pengesë e panevojshme?

Basha: Kjo është një broçkull. Se kushtëzon reformën. Ka një pjesë, në të ashtuquajturin propozim, e cila ka dalë jashtë mandatit të komisionit që merret me ndryshimin e Kushtetutës sikur do të futemi nesër në BE. Dhe këtu përfshihet edhe ky sugjerim, i cili është një sugjerim i padrejtë, që PD-ja është pozicionuar kundër në parim. Pse është sugjerim i padrejë. S’kemi gjë kundër komunitetit të homoseksualëve në Shqipëri, madje kjo parti ka kaluar në Parlament ligjin për mosdiskriminimin në vitin 2009 dhe hapi rrugë për heqjen e vizave. Dhe tashmë s’ka arsye që ky komunitet të kërkojë azil. Ne kemi qenë kundër martesave mes personave të orientimit homoseksual dhe kundër adoptimit të fëmijëve nga persona të së njëjtës gjini.

Rakipi: Dhe kjo kushtëzon reformën.

Basha: Askush se kushtëzon këtë. S’ka ngelur reforma te kjo. Dua të siguroj qytetarët, ata që janë të shqetësuar që PD-ja qëndron fortë kundër martesave gay dhe kundër adoptimit të fëmijëve. Dua të garantoj të gjithë anëtarët e komunitetit homoseksual në Shqipëri se si hartues dhe miratues i ligjit të diskriminimit ne do të bëjmë të mundur që ata të kenë të drejta të plota.

Bushati: Në fakt ky është diskriminimi kryesor.

Lubonja: Këtë rol që drejtësia të mos kapet e ka luajtur edhe LSI-ja. Edi Rama ka prirje për pushtet absolut, donte që ta fuste Metën nën kërcënim, njësoj si Berishën dhe Bashën. Këtu ka qenë loja e LSI-së dhe ka mbetur në konflikt me Edi Ramën, s’kam thënë se është më e mirë. Në Shqipëri ka ndodhur që kush ka pasur drejtësinë me vete, askush s’është prekur nga ajo. Rezultati do të jetë një reformë që s’do ti prekë këta, atëherë këta do ta aprovojnë. Ndërkombëtarët duan që të fusin një a dy në burg, por reformë s’bëhet. Lufta është se kush do vihet. Lëmsh ka qenë gjithmonë, drejtësi s’do të ketë, mund të shtyhet. Edhe po u aprovua, unë nuk pres asnjë gjë. Basha thotë standarde evropiane, më thuaj ti që një vend evropian ku njerëzit e drejtësisë ju kontrollohet biografia nga të huajt. Më thuaj një gjerman, një francez, që ja kontrollon një amerikan apo një spanjoll. Kjo është një gjë karikatureske dhe flet për dështimin tuaj. Standard evropian, ti ke shkelur Kushtetutën, me çfarë legjislacioni do të kontrollojnë ata. Më thuaj këtë? Ti ke ?

Basha: E ke me premisë të gabuar.

Lubonja: Do të ketë të huaj që do të kontrollojnë gjykatësit.

Basha: Mision monitorimi që do të kontrollojë, të jetë adekuat.

Lubonja: Ku ka një vend të tillë?

Basha: Në Ukrainë, nëse do ti pranojmë t’i hyjmë një reformë për pastrimin e korrupsionit nga drejtësia, monitorimi do të jetë nga ndërkombëtarët.

Basha: Riqarkullim duhet të ketë në media dhe në politikë. Zoti Lubonja, edhe njëherë unë për qarkullimin e elitave kam ndërmarrë disa hapa. Që 35 përqind të zgjidhen nën moshën 35 vjeç pas debatit. Ti çfarë po bën në qarkullimin e elitave në media?

Lubonja: Unë s’kam media.

Basha: A ka një kastë mediatike të lidhur me pushtetit, është e strukturuar.

Lubonja: Kati i parë janë biznesmenët, kati i dytë janë gazetarët që bëjnë lojën tuaj. Unë kam një këmbë brenda dhe një këmbë jashtë. Mediat janë pjesë e këtij sistemi që keni ngritur ju.

Basha: Të mësojmë ato që kemi bërë keq, por s’kemi bërë gjithçka keq.

Lubonja: Unë them këtë, që Shqipëria ka drejtim të gabuar. Nëse do të bëj një kurbë të Shqipërisë, se marr diktaturën, çdo moment i sotëm është më i mirë sesa diktatura. Unë mendoj se Shqipëria, pikën më të mirë, për një sërë arsyesh, sa shpresa kemi, sa të lirë ishim apo jemi, mendoj që periudha më e mirë ka qenë pas viteve 2000, ja po ju them se edhe ju në dy vitet e para. Por sistemi vet ishte futur për tu kalbëzuar dhe pastaj erdhi në degradim. Kriminelët e kapën pushtetin u bënë aq të fortë dhe kapën edhe Ramën. Shqipëria është tani në degradim.

Basha: Para gjysëm ore të shpjegova ndryshimin mes nesh dhe atyre, për rastin Ndoka. Rama solli kriminelët në pushtet për të ardhur vetë në pushtet. Rasti Ndoka e tregon më së mirë. Demokracia ka funksionuar për këtë vend. Duhet një demokraci e re, ku brenda pushtetit të mos ketë të fortë.

Rakipi: Duket z.kryetar që PD-ja është fituese e ligjit të dekriminalizimit. Kemi një moment shumë interesant, po dalin emra nga mazhoranca që kanë hipur në podiume më të rëndësishme të vendit, në institucione kryesore, sidomos në Parlament dhe Bashki. Ka një problem të rëndësishëm; secila palë nuk i pranon kriminelët e vetë. Ju nuk i pranoni të tuajit dhe ata nuk i pranojnë të vetë. Pse ndodh kjo?

Basha: Nuk ndodh kjo. Zoti Basha, z.Mhill Fufi është me rekorde kriminale? Basha: Sipas deklarimeve, zoti Fufi nuk është me rekorde kriminale. Sigurisht, çdo deklarim i rremë përbën vepër penale automatikisht, por sipas vetëdeklarimeve nuk ka persona me rekorde kriminale në kuptimin e ligjit.

Rakipi: Po zoti Kapllanaj i bashkisë së Mallakastrës?

Basha: Nuk është me rekorde kriminale në kuptimin e ligjit. Ligji u bë për të ndaluar persona me rekorde të rënda kriminale sipas konventës së Palermos. Njerëz që janë marrë me trafik të qenieve njerëzore, me trafik droge, vrasje apo krim të organizuar. Ligji është i rreptë pasi kërkon vetëdeklarim të plotë, madje edhe një germë që ke ndryshuar. Unë s’jam institucioni që themi s’kemi. Unë kam thënë që çdokush ka rekorde kriminale, do të largohet. Kur më thanë se njëri nga kandidatët ka rekorde kriminale, u thash që do të largohesh. I thash do të shkosh të verifikosh gjurmët e gishtave, dhe humba Bashkinë e Këlcyrës. Nga vetëdeklarimet rezultojnë se në grupin parlamentar të PD-së s’ka persona me rekorde kriminale. Nëse ka persona të tjerë, ose i rezultat i vetëdekalrimeve, do të ikin një orë e më parë. Përgjegjësinë e ka PD.

Rakipi: Ju ligji s’ju detyron, pse se bëni formularin? Qoftë në facebook apo në uebsajtin e PD-së.

Basha: Ligji se përcakton, unë do të kandidoj së shpejti për deputet dhe do ta bëj. Nuk kam asnjë gjë për të fshehur.

Bushati: Meqë jemi të dekriminalizimi, unë kam qenë skeptik, dhe e them sot se kam qenë gabim.

Basha: Prit se është vetëm fillimi. Edhe ky është një standard. E ke pasur gabim, kërko ndjesë. Ligji i dekriminalizimit është një ligj i mirë, është një reformë e opozitës.

Bushati: Çfarë po vë re unë, tek mazhoranca dhe çfarë me shqetëson tek ju. Atyre ju plasin skandale ditë për ditë. Ka disa ditë që përfaqësues të PS-së i janë vënë Flamur Nokës, nëse ka kaluar kufirin apo jo, nëse është një tullumbace përgënjeshtrohet me tre fjali. Unë marrë këtë letrën që është deklarata e PD-së që i ngjan PD-së së vitit 1992. Po ju lexoj këtë deklaratë.

Basha: Ata e godasin politikisht dhe ne i përgjigjemi politikisht.

Bushati: Është një gjuhë 20 vjet e vjetër. Për të mos rënë në grackën e kundërshtarëve tuaj, nëse jeni të pastër një, dy tre. Këtë tollumbace e bënin këta të Roshit. Mendoj se është një standard që duhet vënë.

Basha: Ata që janë ndaluar për akuza të rënda, duhet ta deklarojnë. Ndërsa këtu aludohet, që një njeri i arratisur nga Ramiz Alia. Kësaj i thonë të kapësh një person, pse je thirrur nga sigurimi i shtetit se ke hedhur monumentin e Enver Hoxhës.

Bushati: Kjo është propagandë.

Basha: Unë njoh persona të tillë, se është një rast hipotetik. Unë them që të barazosh diçka që në kohën e Ramiz Alisë, që s’është organ ligjvënës, ti thuash ti e ke hedhur bustin e Enver Hoxhës.

Bushati: Merremi rast pas rasti, po bën një tym. Përgjigju për rastin konkret.

Basha: Përgjigja është konkrete. Nëse sigurimi i thirri dhe i ndaloi këta, kjo s’ka lidhje për ata që përdhunojnë. Struktura të SHISH-it apo UDB-së, ishin struktura të terrorit. S’është objekt i ligjit. Pretendimi është jashtë fushës së ligjit, nëse policia të ka ndaluar për një shkelje të dritës, kjo duhet deklaruar.

Lubonja: Ky banalitet, lidhet me këtë që kemi.

Basha: Dekriminalizimin se ka shpikur doktori, por e kam përmendur unë.

Rakipi: Megjithëse je jurist, se paske shpikur mirë.

Lubonja: Nëse e ke kryer krimin dhe je rehabilituar, ke të drejtë të zgjedhësh dhe të të zgjedhin. Këto duhet të ishin morale, faktet që këta thonë janë kriminelë, ndërhyjnë ndërkombëtarët, është anomali e politikës shqiptare.

Rakipi: Këta persona i sollën tre njerëz; Sali Berisha, Edi Rama dhe Ilir Meta.

Lubonja: Unë i mbetëm hipotezës, që këta u infiltruan, kjo është e kapje e politikës. Unë e shoh me shumë problem këtë, që duket se shpëtuam nga kriminelët se hoqëm pesë apo gjashtë vetë. Në atë parlament kanë bërë korrupsione, dhe që ka nevojë, këta që i thirrën këta janë bashkëpunëtorë. Për mua fajtor është Edi Rama sesa Elvis Rroshi. E dinte apo se dinte Rama, apo Basha, ore zotëri këta i kanë marrë se i dinin.

Basha: Jo këta, fol drejt tani. Mos përgjithëso.

Lubonja: Po flas për 20 e ca vjet.

Rakipi: Këta si kanë futur në parlament.

Lubonja: E keni thënë ju vetë, këtu s’është problemi se këta hynë në parlament, keni thënë që Tirana u bë lavatriçe parash me ndërtime, këta njerëz edhe pse s’u futën në parlament, mbështetën politikën, u futën në media. Dhe këta nuk hynë tani. Çështja është kur vjen puna deri këtu, unë e shoh si degradim, ky është sistemi. Shqipëria këtu do të jetë.

Basha: S’jam dakord që këta u infiltruan. Edi Rama i kërkoi këta me qiri, se kërkuan këta, po ky i kërkoi. Ai i kërkoi këta, dhe është në borxh me ta. Roshin, Frrokun apo Ndokën, dhe një kolegu yt e ka cilësuar “qelbësira bashkohuni”. Këto janë fakte. Ky është ndryshimi i madh, edhe mua më shpëtojmë njerëz. Nuk i shpëtuam këta Edi Ramës, por ai u ngrit me këta persona, i uli banditët në bashki, i bëri banditët me leje ndërtimi. Dhe këtu qëndron çështja. Gjatë qeverisjes sonë, krimi s’u bë i fuqishëm, krimi u shtyp, i ke në burg, po përgatiten me lloj-lloj rrengjesh për ti nxjerrë nga qelia. Ke një njeri që i kërkoi me qiri, i nxori nga skutat. Ai është në borxh me ta. Ka njerëz aty për korrupsion, kjo është e vërtetë. Ligji për dekriminalizimin vendosi një standard, ku opozitës po i mbyllej goja në Parlament. Zbatimi i këtij ligji është një premisë e sigurt e pastrimit të politikës. Ka edhe milionerë në parlament për të kapur më shumë miliona. A ka mundësi ta shtrijmë më tej? Unë po them që para se të futen në politikë duhet të deklarojnë të gjitha interesat e biznesit.

Lubonja: Unë jam kundër tezës që rëndon gjithë politikën. Këta njerëz kanë ardhur në politikë me paratë e tyre.

Basha: Në Parlament, para 2013, kanë hyrë persona me të kaluar të dyshimtë. Unë e kam fjalën për këta që erdhën si vulë për këtë arsye.

Rakipi: Edhe ju shumë analfabetë keni në gjirin tuaj zoti Basha.

Basha: Edhe këta i solli një njeri, Edi Rama, se më parë ndryshoi emrin.

Bushati: Unë kam dy pyetje. Zoti Basha, i përmbaheni deklaratës ca muaj më parë, që sa të jem unë në krye të PD-së s’ka koalicion me LSI-në apo me Ilir Metën?

Basha: Po.

Bushati: e Dyta, nëse pas një viti humbni zgjedhjet do të largoheni, apo do të kërkoni hapjen e kutive?

Basha: Unë do përpiqem për zgjedhje të lira dhe të ndershme. Ska aleancë, e kam deklaruar në PD që dera ime është e mbyllur për ata që kriminalizuan politikën, për përgjegjësit e korrupsionit dhe krimit sot në Shqipëri. PD-ja do të garojë në zgjedhjet e ardhshme me një koalicion të gjerë politik dhe qytetar, nga i cili përjashton kategorikisht Edi Ramën dhe Ilir Metën.

Rakipi: Ilir Meta është i përjashtuar?

Basha: Sigurisht, ai është gjymtyrë e qeverisë, mban qeverinë në këmbë. Në PD ka një standard përgjegjshmërinë. Kryetari historik i partisë, paraardhësi im në detyrë, dha dorëheqjen në zgjedhje përgjithësisht të lira dhe të ndershme, pavarësisht defekteve por ishim ne përgjegjës për ato zgjedhje. Dhe ky është një standard që unë besoj se Partia Demokratike duhet ta ndjekë. Ju e dini fare mirë, jo për shkak të fabulave të mia, por për shkak të fakteve të terrenit, të ndërkombëtarëve, që Shqipëria është në listën e vendeve që nuk organizojnë dot zgjedhje të lira dhe të ndershme. Për këtë arsye, unë nuk kërkoj alibi, unë kërkoj zgjidhje. Dhe zgjidhjet që ne ofrojmë, mes të tjerave, është votimi elektronik dhe biometrik, i cili ndëshkon njëherë e mirë zuzarinë e presionit ndaj votuesve dhe presionit ndaj administratës zgjedhore duke përfshirë numëruesit. Nëse ne arrijmë, bashkë me palën kundërshtare, pasi këto janë reforma që si bën njëra palë, ti japim shqiptarëve zgjedhje të lira dhe të ndershme dhe shqiptarët të japin verdiktin e tyre, të jesh i sigurt se unë do ta lexoj këtë verdikt si një përfaqësues i një gjenerate të re shqiptare në politikë dhe jo si e vjetra që po ikën dhe do të ikë. Nëse shqiptarët me besojnë në zgjedhje të lira dhe të ndershme, sigurisht që do të marrë përgjegjësinë. Nëse shqiptarët nuk më besojnë në zgjedhje të lira dhe të ndershme, prapëseprapë unë do të marrë përgjegjësitë, para demokratëve dhe partisë që unë drejtor.

Rakipi: Zoti Basha në muajin shtator fillon një vit elektoral dhe për ju do të jetë prova finale, si lideri i opozitës dhe i PD-së. Përse është ndryshe sot Partia Demokratike, ajo parti që humbi zgjedhjet në mënyrë të shëmtuar.

Basha: Ishte një humbje e thellë, por jo e shëmtuar.

Rakipi: Unë do të shkoj pas një viti të votoj. Pse duhet të votojë për ju?

Basha: E para, ne kemi plotësuar të gjitha detyrat tona si opozitë ndaj shqiptarëve. Ne vumë kambanën e kriminalizimit të politikës, e dyta sepse s’u mjaftuam me denoncimin. Ne shtrimë dorën për konsensus, për uljen e taksave, për uljen e energjisë elektrike, për rritjen e pensioneve, për statusin e minatorit, për kujdesin social. PD-ja ka shkuar me amendamente në Parlament, pala tjetër, për të bërë para në kurriz të qytetarëve plot 2.2 miliard euro. PD-ja ka një program për nxjerrjen e Shqipërisë nga kriza. Ne kemi një program të konsoliduar. Do të shkojmë te taksa e sheshtë. Është një model i studiuar, që do tu japë energji falas. 20 milionë USD është fatura. Ai tu thotë shqiptarëve ku i çoi paratë, plot 80 milionë USD për perde, apo mobilime për Shukriun.

Rakipi: Kjo është më e keqja më e vogël. Ju keni qenë në pushtet.

Basha: Ti ke qenë në pushtet.

Rakipi: Unë! Jo, juve keni qenë në qeveri.

Bushati: Ke qenë dhe ka ndodhur Gërdeci, 21 Janari. Përgjegjës është ai që vret.

Basha: Ti duhet të shohësh sa është rritur mirëqenie.

Bushati: Për mirëqenia edhe Putini dhe Erdogani e kanë rritur.

Basha: Ndryshe nga Turqia e Natos, Shqipëria lëviz pa viza. Sigurisht patëm gabimet apo korrupsionet.

Bushati: Vetëm për drejtorët.

Basha: Je anti opozitar, je cinik. Që ti thuash shqiptarëve njësoj jeni dhe njësoj do të jeni, kjo është cinike. Ti nuk studion asnjë platformë. S’ke shkruar asnjë rresht. Sepse ti je cinik. Një erë e re në PD ka filluar, sidomos në forumin rinor.

Bushati: Keni zero reflektim për çfarë është bërë në 8 vjet.

Basha: S’ke qejf ta lexosh.

Rakipi: Çmendon Lubonja për këtë rast.

Basha: ARMO i ka shtetit 300 milionë euro borxh, ndërsa bankave 27 milionë euro. Sot kjo qeveri po përgatit që në vend ta sekuestrojë ARMO-n, aq sa ka mbetur, është e shqiptarëve, vetëm Ballshi është vlerësuar 60 milionë euro. Reflektimi im është sot që në vend të sekuestrojnë ARMO-n.

Bushati: Unë them që ju s’keni reflektuar për të shkuarën.

Basha: Ti je i kompleksuar, opozita s’është ish-qeverisje. Në momentin që na kanë votuar, ne jemi në opozitë. Kjo se shpëlanë nga përgjegjësitë e qeverisjes.

Bushati: Në tre orë vetëm se kërkove një falje për lekët që i dhe TV KLAN-it.

Basha: Qeveria është gjë tjetër dhe opozita është diçka tjetër.

Basha: Ne jemi të hapur për hetime.

Bushati: Kjo është propagandë.

Lubonja: Unë kam mbështetur idenë e së keqes më të vogël, me idenë se këto parti bëhen më të mira. Unë i kam mbështetur deri në momentin kur kam besuar se këto mund të përmirësohen. Kur dal me opsionin se këtë opozitë se mbështet, se këta njerëz ndajnë paratë e shqiptarëve, unë them dua një alternativë të re. Kjo ka ndodhur në Greqi, doli në Itali.

Basha: Kape njëherë lapsin dhe shikojë se çfarë ka ndodhur në PD-në. Ti e ke obsesion atë.

Lubonja: Ne mezi presim që të dalin të rinjtë. Unë skam parë asnjë njeri të ri. Një njeri gjerman, që kam takuar, më ka thënë diçka të rëndësishme; kur ishim ne të rinj, mezi prisnim të na vinin liderët ti gozhdonim. Kishte shkuar në këtë mbledhjen e Edi Ramës dhe i kishte ikur truri, se e duartrokisnin të gjithë të rinjtë.

Basha: Ti flet apriori. Si ke parë këta të rinj të PD-së, shkruaj çfarë do të thuash. Në media ka një ushtri mercenarësh që i paguan qeveria, por kam kënaqësinë që sot s’jam me ta. Disa media, apo në rrjetet sociale, kanë në majën e gjuhës, që këta janë njësoj.

Ben Blushi është më i ndershëm, s’ka në Shqipëri as me njërin as me tjetrin. Unë s’të akuzoj se po fshihesh, unë po të them përgjegjësia që keni ju shtyn të mendoni dy herë, nëse mendoni që s’jemi as me Ramën as me Bashën, mënyra sesi impostoni do ti shërbejë njerëz palë.

Bushati: Me këtë sistem i kemi shërbyer Sali Berishës.

Basha: Unë kërkoj që të kritikoni opozitën. Ligji i dekriminalizimit, denoncimet e korrupsionit, ju të shprehni mendimet tuaja dhe në veçanti ne kundërshtojmë kapjen e drejtësisë. Ndërkombëtarët i kemi pasur aleatë kur hoqëm vizat, apo të NATO-s. Kemi ardhur në një moment kyç dhe e vetmja gjë është se çfarë po ndodh me rininë demokratike. Ka 8 muaj që po ndodh diçka, që po prodhon politikanë të rinj. Ju më të lehtë e keni që këtu janë të gjithë.

Bushati: Aty dalin si Berishë të vegjël.

Lubonja: Unë jam nga ana që e them se jam i majtë, por jam nga ata që them që këtu s’ka parti të majtë. Unë them që janë një kastë që ndërrojnë rolet në pushtet, që punojnë për të njëjtët Zamir dhe Sandër. Unë them që ti më ke vonuar 25 vjet që të hyj në Evropë, ndërtuan piramidën, apo trazirat.

Basha: Në kohën e piramidës unë kam qenë student.

Rakipi: Në fakt është një debat që nuk mbaron, e falënderoj z.Basha që ishte mes analistëve për të debatuar. Unë besoj në këtë format debati, ku përplasen etika të ndryshme, pasi të tjera janë interesat e z.Basha dhe të tjera janë të gazetarëve. z.Basha faleminderit.

Basha: Ju faleminderit juve. Për kaq shumë gjëra që s’biem dakord, por për dy gjëra jemi të gjithë dakord; për pastrimin e politikës nga krimi dhe për zgjedhjet e lira. Ti bashkoheni qytetarëve.

Rakipi: Faleminderit edhe miqve të mi, gazetarë. Ky ishte emisioni ynë për mbrëmjen e sotme.

Komento