Të Paekspozuarit, “Rama, Meta–Duel i heshtur”
18.12.2015 7:30
Përditesuar: 18/12/2015, 12:00

“Të Paekspozuarit” emision i gazetarit Ylli Rakipi solli mbrëmjen e së enjtes  (17 dhjetor)  një përplasje dy vjeçare të bashkëqeverisjes PS-LSI.

Lufta e ftohtë Rama –Meta. Kur dhe si filloi ajo?

“Rama, Meta – Duel i heshtur” dhe të ftuar në panel politikanët:
Astrit Patozi, Luan Rama, Kastriot Islami dhe Dritan Hila.

Sa e beson Ilir Meta, Edi Ramën? A ka rënë “Rilindja” dhe çfarë fshihet pas fushatës “Të pastrojmë më tej Shqipërinë”… “Rama, Meta – Duel i heshtur”.

Disa prej deklaratave të të ftuarve në studion e “Të Paekspozuarit”

Islami: Mjekët psikologë amerikanë thanë se Rama vuan nga “defiçenca e vëmendjes”

2 Patozi: Rilindja një gënjeshtër

3 Rama:  Të pastrojmë Shqipërinë tërheqje vëmendje nga problemet që ka vendi

4 Hila: Shqiptarët do të paguajnë rreth 150 milion euro në vit për konçensionet

5 Patozi: Deklarata e Skraparit, deklaratë lufte, Rama u zbyth

6 Patozi: Qeveri  Rama, një qeveri personale

7 Islami: Rama ka ndërtuar një sistem oligarkik dhe të korruptuar

8 Islami: Edi Rama ka përjashtuar 10 profesorë

9 Islami: PS, një sekt i Edi Ramës

10 Patozi: Shqipërinë smund ta pastroj Rama i cili e ka bërë pis Parlamentin

11 Rama: Ndryshimet e fundit në Kodin Penal kanë qënë në kundërshtim me ligjin dhe Kushtetutën e Republikës

te-paekspozuarit2-655x356

 

 Intervista e plotë

Rakipi: Zoti Rama ju e ndoqët raportin filmik, kemi një përplasje mes LSI dhe PS ose më thjeshtë mes kryeministrit Rama dhe Meta?

Luan Rama: Jo gjithçka ka shkuar ose shkon rozë në këto dy vjet mes PS dhe LSI

Rama: Pa dashur të përsëris ato që tha dokumentari juaj, i cili është një qasje individuale e autorit, regjisorit të filmit më lejoni të them që është film interesant. Ka një problem plagjature në titull, ju duhet të kishit marrë leje se është film Duel i Heshtur, gjithsesi duke qenë se filmi është përjetim individual edhe kënvdështrimi është individual. Jashtë kontekstit të metaforës, natyrisht në dy vjet bashkëqeverisje LSI-PS jo gjithçka ka shkuar dhe shkon rozë, jo gjithçka është në cilësinë e marrëdhenies idilike apo një marrëdhenie dashurie pa kufi. Po çka dua të them është se dhe qeverisje si koncept, dhe institucione dhe bashkëqeverisja si përgjegjësi ndaj qytetarëve nuk është çështje e raportit individual qoftë edhe dy kryetar partish, është ndërtuar mbi parime që kanë të bëjnë me cilësinë e qeverisjes, për ti ofruar shqiptarëve një qeverisje të mirë dhe reforma që s’janë individuale por prioritete të interesit kombëtar. Ka pasur debate, ka debat, gjithsesi edhe qeverisja dhe mazhoranca është e gjallë dhe si çdo gjë e gjallë ka përplasje, suksese, diskutime, debate.

Rakipi: Jemi gazetar duhet të shohim fenomene të tilla t’ia përcjellim shikuesit, si përfaqësues partie qendrimi juaj është i saktë…

Rakipi: Z. Islami ju keni pasur marrëdhënie relativisht të gjatë me Ramën dhe sigurisht e njihni mirë zotin Rama. Në 15 vitet e fundit ai ka pasur përplasje me Ilir Metën përplasje, i tradhëtuari del Ilir Meta. Ç’është përplasja e fundit edhe në psikologji çështë kjo sjellje, e zotit Rama?

Kasrtiot Islami: Marrëdhënia mes tyre do tensionohet proporcionalisht me reformën në drejtësi

Islami: Meta dhe Rama janë edhe kryetar partie dhe individë dhe në Shqipëri në parti, individi është shumë i rëndësishëm. Përplasja shumë kollaj kthehet në përplasje politike. Marrëdhënia është 15 vjet, një marrëdhënie që ka pasur përplasje të forta, edhe momente dashurie, mirëkuptimi, shumë të shkurtra dhe kjo bazohet në faktin se e gjithë marrëdhënia e tyre, mirë apo keq bazohet në mosbesim reciprok shumë të madhe, eksperiencë negative në zënka dhe sherre sesa në mirëkuptim. Kulmi ka arritur… Janë dy kulme, një 21 janari i marrëdhënieve të përkeqësuara midis tyre, kemi parë deklaratat e Metës dhe skema e Ramës dhe e treta, kulmi tjetër është me DIA që lidhet me luftën kundër korrupsionit në drejtësi. Kjo marrëdhënie do të vazhdojë të tensioniohet me reformën në drejtësi, element është një ambicie ektreme e të dyve për pozicionin e kryeminsitrit, kjo është pjesë simetrike. Pjesa asismetrike shfaqet me karaterin e Ramës. Është karakter konfliktual, kërkon t’i vërë njerëzit në punë nëprmjet represionit, nuk qeveris dot me bashkëpunëtorë. Do të qeverisë vetëm, si pëlqejnë bashkëpunëtorët, Rama nuk i mban kontratat edhe në jetën personale nuk i qendron, i prish kollaj. Kjo tregon pse Rama e prish i pari kontratën. Edhe marrëdhëniet politike me LSI-në, kryetarin e LSI apo Rama-Meta, është i pari Rama, Meta është me i kujdesshëm, i qendron deri në fund marrëdhenies. Reagimi i tij është kur ka veprim makiavelik dhe rasti i DIA-s ishte një rast konkret. Në 2007 kur bashkëpunuan për ta bërë Ramën kryebashkiak ai e tradhëtoi reformën zgjedhore, Meta reagoi në mënyrë të ashpër.

Një element tjetër i rëndësishëm do të thoja përplasja e tyre është marrëdhënie ciklike. Kjo që pamë sot është marrëdhenie ciklike kjo që po ndodh eshtë pjesa e fundit.

Ndalemi te 21 janari praktikisht Rama dosjen e Metës e e ka dërguar në disa kancelare të rëndësishme ndërkombëtare. Po të lexojmë me vëmendje ç’thoshte shtypi ndëkrombëtar, thoshte që bëhet për shkak të korrupsionit dhe Ilir Metës. Kur u bë kryeminstër tha që korrupsionin do ta luftoj gjërësisht, e pyetën çfarë do bësh? Dhe e kanë këshilluar, i kanë thënë për të goditur dosjen që dorëzoi. Rama mendon se mund të shpëtojë dhe të bëhet i besushëm te ndërkombëtarët, mbasi ka ndërtuar një sistem ologarkik me njerëz të korruptuar, po të godasë një peshk si Ilir Meta. Momenti i DIA-s, gjetën çengelin për të goditur Metën dhe për ti thënë ndërkombëtarëve që jam i gatshëm të luftoj për pershqit e mëdhenj, jo vetëm të vegjël..

Rakipi: Hila sot paguani edhe antiformalizmin tuaj, jo të qenit formal në struktura,  si e përcillni në mënyrë sintetike këtë ngjarje disa mujore, të përplasjes Rama-Meta?

Hila: Muskujt që tregon çdo ditë LSI e trembin Ramën

Hila: Ndoshta na duhet të largohemi pak marrëdhënies së tyre personale sepse e trajtoi profesor Islami, por mendoj që më tepër duhet ta shikojmë në makro, marrëdhënien mes dy partive. Ne kemi një aleancë e cila diku në 2013, mendohej që PS do të ishte parti e madhe dhe LSI do të ishte 4,5. 6 mandate. Pa pritur u pa që LSI çdo ditë e më tepër provon muskujt e saj dhe shikon që është parti e madhe. Kjo e tremb Ramën në radhë të parë. Përsa i takon kulisave të korrupsionit që përmendi profesor Islami, nëse kujtojme duhet të jemi racional për 21 janarin për çështjen në fjalë bëhej fjalë për 700 mijë euro, ndëkrohë që PD jepte koncesion Rapiskanit 180 milion euro. Tani është rënduar dora, jemi duke folur për ca shifra që të bëjnë të trembesh, duhet të shohim problematikën e madhe që ka koalicioni në raport me votuesin, kemi një PS që është larguar koplet ndaj shtresave në nevojë, tallet me sindikatat me shumë kategori të së majtës. Kur ke këto mangësi qoftë qasja e ekonomisë, qoftë ndaj publikut fillon të zbatosh mësimin e romakëve që njerëzit duhan bukë edhe cirk dhe shiko luftë gladiatorësh. Problemi Rama-Meta meqë popullit shijon më tepër GOSIP, Meta e ka promovuar Ramën, Meta iku nga PS.

Rakipi: Z. Patozi ju keni qenë mjaft kritik ndaj zotit Meta dhe si e shihni ju ngjarjet e fundit?

Patozi: Thelbi i  konfliktit Rama-Meta është ndarja e pushtetit  dhe dominimi i  së majtës

Patozi: Në rafshin personal i njoh më pak se të tjerët personat e telenovelës që është mjaft intriguese, po sjam dakord me titullim Duel i Heshtur, ky është Duel i Zhurmshëm. Ky nuk është duel që ka mbetur në sallonet e politikës. Nuk jemi në Londër apo në Francë që e mban edhe brenda sallonave… Nuk kemi as përpjekjen më të voglë, deklarata e Metës në Skrapar vetëm qetësi e dashuri nuk ka, ajo deklaratë që bëri Meta nga Skrapari, është deklaratë e drejtpërdrejtë, ishte për luftë, që nuk mori të njëjtën përgjigje.

Edhe unë ashtu si Z. Hila do isha i prirur që mos të mbetemi në rafshin e marrëdhnieve personale nuk ka interes për publikun nëse shkojnë mirë ose keq. Ka raste që duke shkuar keq i bëjnë mirë demokracisë s’ka nevojë të flirtojnë. Pse unë mendoj se publiku duhet ta dijë se përse grinden këta dy burra dhe kjo është arsye që njerëzit të jenë të mërzitur me këtë qeveri. Ky konflikt ka vetëm diçka pozitive, i ndihmon shqiptarë të kuptojnë pse mazhoranca qeveris kaq keq. Këta dy burra s’bëjnë debat për taksat, as debat konceptual për mos përfilljen e shtresave të së majtës. Kanë një konflikt që nuk është thjesht perosonal, është konflikt i dy ushtrive që kanë dy gjeneralë, janë në luftë, ashtu edhe ushtritë, jo për shkaqe nostalgjike, as për 21 janarin, as kur Ilir Meta promovoi Ramën. Këta zihen për të sotmen dhe për të ardhmen, zihen për të sotmen s’janë të kënaqur si po e ndajnë pushtetin dhe zihen për të ardhmen se duan të dominojnë të majtën shqiptare nesër, ky është thelbi i konfliktit.

Pse them unë që kjo është e tepërt për një vend të varfër si ne dhe me demokraci të brishtë, sepse edhe një qeveri super kohezive me kaq problematikë, periudhë demokratike të 25 viteve që lë për të dëshiruar. Ne edhe sikur gjithçka të ishte perfekte një qeveri kohezive normale prap do të ishte e pamjaftueshme. Imagjino një qeveri kur gjysma është kundër gjysmës tjetër, prandaj kemi atë buxhet mizerabël që u miratua me sforco, jo në vota por në energji, pa energji politike. Po të shihni ka një zbehje, tërheqje totale të LSI në debatin parlamentar, LSI është e tërhequr. Në parlamentt beteja zhvillohet mes PS dhe PD dhe do të thotë që aleanca funksionon vetëm në letër, nuk ka një frymëzim, zë të përbashkët, që udhëheq qeverisjen e sotme, por ka vetëm PS që për inerci dhe rezistencë po bën debatin politik. Kjo është kosto e madhe që kemi një konflikt të egër në luftën brenda llojit, jo parimor. Nuk është debat konceptual por është thjesht pakënaqësi për mënyrën sesi ndahet torta e pushtetit, koncensionet tenderat dhe vjedhjen masive.

Rakipi: Z. Islami jo më kot ju pyeta që duhet parë dhe në rrafsh psikologjik, kemi raste të pa numërta të lidershipit të problematikave brenda llojit. Përplasja juaj me Ramën,  ju u larguat, një nga njerëzit më të rëndësishëm të PS u largua nga një parti që e krijuat. A mund të na shpjegosh diçka më shumë, çështë ky raport që rama ndërton me aleatët apo me njerëzit e politikës në mënyrë të vazhudeshme?

Islami: Unë jam bërë anëtar i PS në 1996, por kam qenë i angazhuar në 1991, po nuk është ky problemi.

Rama: Kastritoi ishte referencë se përfaqësonte një brez të ri por ëshe përfaqësues i botës akademike dhe shkencore, formalisht është e vërtetë kur është anëtarësuar por ka qenë ministër, kryetari i kuvendit, protagonist i rangut të parë.

Islami: Rama kërkon njerëz poshtë vetes së tij, ai nuk do njerëz që dinë më shumë se ai

Islami: Rama ka larguar nga PS 10 profesor që nga moment që mori drejtimin e partisë

Islami: Unë nuk jam larguar nga PS, më kanë përjashtuar, është më i rëndë. Insistoj te fakti që këtu ka një dallim të vogël mes liderit politik që ka një projekt politike dhe individit, kryetarët i kontrollojnë partitë, ka një njësh partia dhe më pas të tjerët janë ushtarë. Në përgjithësi partitë kontrollohen fuqimisht nga numri një edhe partitë e vogla dhe të mëdha.

Por pas arrdhjes së Ramës, ai ka ndërtuar një strategji më e thellë se kaq, në një mënyrë e ka përkufizuar sekretari ameriakan i shtetit kur ka folur për ologakinë në vendet e ballkanit perëndimor. Ideja e Ramës ka qenë kjo, se Rama ka kompleks inferioriteti, duke mos pasur formim politik, formim ekonomik, formim juridik, formim nga politika e jashtëme,asgjë. Ai  nuk preferon asnjë njeri që ka formim, që ka një kontribut dhe eksperiencë edhe kur sheh që dikush ka më shumë aftësi se ai, përpiqet ta eleminojë. Ai kërkon njerëz poshtë vetes së tij.

Rakipi: Po kjo është problematikë, quhet i sëmurë.

Islami: Kjo është e vërtetuar, në PS janë larguar dhe janë përjashtuar në varësi të karakterit 10 profesorë me tituj dhe grada, janë goditur, spostuar marxhinalizuar. Ata kanë qenë nga fillimi në 2005 dhe janë larguar nga Rama vetë dhe kjo shpjegon dhe njerëzit që i mori në 2005 dhe si pëlqyen për shkak të integritietit, nuk i vuri për deputet në 2009. Do njerëz që i vë në rresht, që i vë poshtë tij, ka lidhje me kompleksin e inferioiritetit. Armiku i radhës është Ben Blulshi, marrëdheniet që ka me të.

Dhe ai nuk është mjaftuar vetëm eleminim. Ka pasur një skemë në Veri mund të fitojë me njerëz me lekë, me të fortë të cilët quhen pjesë e oligarkisë. Oligarkia në termin modern, politkan të koruptuar, ka biznesmen që i kanë venë me punë por edhe nga ata që marrin tendera publike me partë publike. Pra Rama, ka pasur një artikull pas zgjedhjeve të 2013, mendohet se ka dy faktor që e bezdisin në filozofi: Nuk do të qeverisë me bashkëpunëtor. Para marrëveshjes u hodh teza të bashkohemi të gjithë qelbërisat për të hequr Sali Beirshën. Përkufizonin qelbërisë LSI. LSI ishte mbas këpucës së Berishës. Kërkonte të fitonte i vetëm, por kur e pa që ishte e pamundur… Është karakteristikë e tij që do të qeverisë vetëm sepse edhe fitimi është më i madh.

Patozi: Për herë të parë kemi qeveri private të  një njeriu të vetëm

Patozi: Vetëm PS është e bunkerizuar, ka një bunkerizim të partive po ku ndryshon Rama nga të tjerët. I qendroj pikpamjes time që në gjenezë të krijimit të qeverisë që për herë të parë kemi një qeveri private, që do të thotë perosnale, e kryeminsitrit dhe jo PS. Të gjitha qeveritë e këtij vendi edhe të PS dhe të PD ose deri diku ose përgjithësisht ishin përfaqëuese. Për herë të parë për PS kemi një qeveri personale. E shoh në parlament, dhe me heshtjen e vet e shoh në qeveri. Kabineti sot është totalisht zgjedhje dhe në humor të kryeministrit. Sali Berishën e kanë akuzuar për autoritar, por i gjithëpranuar nga PD, në asnjë rast edhe para 1997, as në qeveri të tjera s’ka pasur qeveri sipas shijeve të tij, mos të vendos njerëz që nuk e kundërshtojnë apo që vetëm firmosin. Që të them që Ilir Meta se kontrollon, se them, e kontrollon në detaj e ka të gjithën një grusht, por Ilir Meta nuk mund ta akuzoë që është si Edi Rama. Është i ndryshëm, përpiqet që ta përfaqësoj partinë.

Islami: PS një sekt i Edi Ramës

Islami: Ai ka pasur në projekt për ta kthyer partinë në sekt, qeveria është sekt, është klientelë e tij, jo përfaqësuese të PS. Edhe kur erdhi Fatos Nano e bëri me politikanë, edhe Sali Berisha në 2005 e bëri me politikanë.

Hila: Kongresi i PS do të shtyhet për në mars  ashtu siç ka propozuar Koço  Kokëdhima

Hila: Jemi duke shkuar drejt një kolapsi ekonomik dhe në PS nuk flet askush

Hila: Marrim rastin e deputëve të Vlorës që nuk ishin dakord me zgjedhjet e Kokëdhimës. U përçanë menjëherë sa djalit të Valentina Leskaj i dhënë koncension, kaq ishte kundërshtia. Kjo lloj qeverisje njihet që nga koha e grekëve, quhet monokraci, por është bërë e rëndë në PS, aq më tepër që do të shtyhet kongresi për në muajin mars. siç hodhi tezën Kokëdhima, PS nuk duhet të fshihet pas gishtit, nuk ka më demokaci nuk mbliedhet asambleja, Taulant Balla do të zgjidhet sekretar, besoj që jeni dakord. Pastaj kaluam në një lloj grupimi që nuk përfshihet më partia, mund të ketë komisiar të shqipërisë së mesme, është vangush dako dhe qazim sejdini. Janë njerëz që kanë lidhje me kryeministrin, janë gjëra që bota i ka parë 3 mijë vjet përpara, eleminohet shteti, shefi, sulltani, kryetari i partisë i ka lidhjet me njerëz që promovojnë pushtet ekonomik dhe politik. Të dy këta njerëz janë kryetar të bashkive, koço vërtet ska funksion shtetëror, por ka njerëz pa identitet që i komandon, sic kemi dakon në Durrës kontrllon një zonë të jashtëëzakoshme. A do të ketë jetëgjatësi, nuk mendoj se Edi Rama do bëj çudi dhe do të tregoj se ky do të ecë, se ska ecuar për 3 mijë vjet… O do të përçahet Partia Socialiste, PS është sklerotizuar, do të atrofizohet, kemi arritur në gjendje pas 10 vjetësh, po japim komplet ekonominë me koncension. Duke paguar edhe koncensionet edhe administratën, Rapiskan, administratë doganore, markim karuburanti, laborator, sterlizimim, sistem shëndetësor. Po shkojmë drejt një kolapsi ekonomik dhe s’del një njeri t’i thotë çfarë po bën…

Buxheti diskutimi më interesant?! Asnjëri! 70 koncensione të tjera, mua nuk më intereson ca konflikti ka PS me LSI, problemi është këtu që peshën e ekonomisë e ka marrë PS dhe mua më intereson si një njeri që do të jetojë në këtë vend, kjo po e atrofizon vendin, Rama mund të shkojë poshte një grope që do ta lërë. PD pas 10 vjetës mund të bëhet alternativë. Nuk ka kuptim më të votojmë.

Rakipi: Të gjithë këto që dëgjojmë, Hila është analist i zoti i strukur te kjo parti, por formalisht, zotërinjtë u përpoqën të ishin racional, një varg koncensionesh, Shqipëri përi nuk po lëviz përpara, gjendja është e keqe ju jeni përgegjës, Z. Rrama jeni 1/ 3 e qeverisjes i bisendoni këto probleme?

Rama: Defiçiti buxhetor me korigjime është 80 milion, pa korigjime është 200 milion euro

Rama: Pyetja është interesnate, na zhvendose, bërë mirë, e respektoj Tanin por do të ishte mirë që në këtë diskutim të ishte një përfaqësues i drejtues i PS për ta bërë debatin më interesant, në respekt të anëtarëve. Ylli jam pjesë e mazhorancës, jam i majtë, kam 17 vjet të jetës politike, i kam në PS, jam rritur politikisht në respekt të anëtarëve nuk dua të kompentoj nga kjo pozitë çfarë ndodh në PD nuk i iki debatit për përgjegjësitë e qeverisjes. Sigurisht qeverisja reflekton edhe situatën brenda partive dhe në qeverisje nuk jemi thjesht për të përligjur apo për të materializuar verdiktin që dhanë qytetarët dhe për ta thjeshtëzuar është shumatore numrash, por jemi qeveri për të ushtruar përgjegjësitë për përmbushjen e disa prioriteteve. Sigurisht kemi pasur vërejtje, kemi vërejtje dhe presim që gjatë diskutimit të reflektohet. Nuk shkon rozë, nuk është në vaj marrëdhënia e koalicionit, ne mbrojmë interesin shqiptar, kemi ngritur zërin për shumë problme, nëse rezultojnë mosrelizime ne jemi për të korrigjuar përgjegjësinë që kanë çuar te këto mosrealizime. Nëse në Shqipëri deficiti buxhetor është 80 mln euro me korrigjime, sepse pa korrigjime është 200 milion euro mosrealizimi, atehere ne jemi qe te ndalemi dhe te korrigjojmë.

Rakipi: A është efikas koalicioni juaj?

Rama: Asnjëherë nuk ka qeverisje të mirë, ne synojmë të bëhet gjithmonë e më e mirë, sdo të kishte nevojë për alternativë, rotacion.

Patozi: Që ka krisje ka, e pranojmë të gjithë palët edhe po mos ta thoshte Luani e tha edhe ministri i qeverisë në një studio, që: po ka nje krisje.

Rama: Që ka diskutim dhe mos pajtim Astrit nuk po them, dakord ti e lexon konflikt perceptimi është individual, po të kishte konflikt, materializohet konflikti me qendrimin ndaj vendimeve të rëndësishme që mban maxhoranca. Do të ishte materializuar te vota dhe qendrimet që janë elementët thelbësor ne nuk kemi konflikt për orientimin për prioritetet. Kemi mospajtim mos përputhje për elementë të qeverisjes.

Patozi: Deklarata e Skraparit ishte një deklaratë lufte, dhe Edi Rama u zbyth, fitoi Ilir Meta

Patozi: Ka një konflikt dhe i shpjegova arësyet është për të sotmen dhe të tashmen e së majtës, konflikt politik, ca pasojash sjell? Këta thonë ne votojmë njësoj, po e votojnë njësoj, pavarësisht se njëra palë nuk merr pjesë në debat, LSI nuk merr pjesë në debat në parlament.

Ky Edi Rama ka nënshtruar PS, në një farë mënyre e ka bërë, por ka edhe zëra kundër… Është po aq Gjergj Elez Alia në raport me Ilir Metën edhe të tjerë?

Është e kundërta, deklarta e Ilir Metës ishte më e ashpër se kundërshtarit deklarata e Skarparit ishte deklaratë lufte. Unë që prentendoj se e njoh deri diku Ilir Metën për qendrimet publike jam befasuar, cila ishte përgjigja, zbythje e Edi Ramës totale. Meta tha do luftë luftë do të kesh, Edi Rama që bën të fortin me PS nuk është aq i fortë në raportin me mazhoranës, nëse kemi fitues, është Ilir Meta, nuk jam aspak i gëzuar do të doja të ishte më i fortë kryeministri sepse është votuar për të qenë më i fortë. LSI i intereson një kryeministër i dobët, një lloj mëshire, që për një interes e saj LSI ja ka dhënë Ramës. LSI i ka thënë vazhdo zvarritu me këtë qeveri ne nuk ti kursejmë votat për tu zvarritur por kjo nuk është mjaftueshme nuk ka qeveri që ka mandat për tu zvarritur. Që me deklaratën e Ilir Metës në Skrapar shkohej në zgjedhje, pra ky eshte nje kolaicion vetem ne leter dhe e conte ne zgjedhje, fakti që nuk e çoi do të thotë që ka frikë nga humbja edhe nga Ilir Meta.

Rakipi: Në zgjedhjet lokale ju ishit shumë i zemëruar, në një konferencë për shtyp ju thatë se Pogradeci ishte si pazari i Roskovecit, tregu i gjësë së gjallë. Le të jemi të qartë ta shpjegojmë, njeriu i thjeshtë ta kuptoj, unë kuptova që PS nuk ju dha votat në Pogradec?

Rama: E ripërsëris me të njëjtën logjikë dhe gjakftohtësi sepse ashtu erdhi edhe në ato rrethana, u krijua situata konkrete në Pogradec që çoi te ai rezultat ku për 1001 arsye, me gjithë respektin për kandidatin, është e kaluar… Nuk mund të fitonte në Pogradec ku nuk ka fituar asnjëherë një kandidat i djathtë, me solididitetin dhe solidaritetin me votuesin, nuk mund të fitonte një kandidat i të djathtës as në Mallakastër.

Rakipi: Ps nuk ju dha votat?

Rama: Po kështu ka ndodhur, e kam thënë për shikuesit, mos na kthe te pazari se jem në një pjacë më të lartë, po flasim për qeverisjen dhe për faktin që ka tregues poziv dhe defekte edhe mangësi edhe mungesë impulsesh. Jemi votuar që të krijojmë terrenin se çdo kush që mund të kontribuojë për vendin të rrisë sasinë e impulseve sa herë me të tilla mesazhe e kërkon interesi i qyterarëve. Këtë kemi bërë edhe kur ishim me PD, këtë po bëjmë edhe tani sepse LSI ka në sjellen e vet respektimin e marrëveshjes dhe përmbushjen e detyrimeve për bashkëqeverisje. Ne nuk prishim marrëveshje nuk krijojmë probleme nuk lejojmë asgjë në dëm të qeverisjes.

Patozi: LSI dhe PS e vlerësojmë si ai çifti që janë ndarë po duan ti lënë barrën kush shkon i pari në gjykatë, nuk e merr përsipër. Kush e çon i pari në gjykatë. Kujt i mbetet në derë prishja e koalicionit… De fakto është i prishur.

Rama:Është dëshirë e përfaqësueve të opozitës.

Rakipi: Ai që qeveris bie nuk ka fitues.

Patozi: Dehet njeriu shpejt nga fitorja

Islami: Janë të vërteta të gjitha mosmarrëveshjet politike edhe ato që lidhen me ndarjen.

Rakipi: Sa ndikon në qeverisjen e vendit Zoti Islami?

Islami: Reforma në drejtësi do të ndërtojë një prokurori dhe gjykatë special që do të pastroj sistemin e drejtësisë dhe pastaj politikanët e korruptuar

Islami: Që kur është themeluar kjo qeveri ka mosmarrëveshje klasike ka dhe të tjera. Ka 3 element të kundërta, 1 milion të papunë ose që do të bëjmë shëndetësi falas, dhe para se të bëhej marrëveshja e 2013. Në këto tre pika 1 milion të papunë, shendetesi falas dhe legalizim falas, kanë mbajtur qendrime diametralisht të kundërta madje edhe për sistemin e taksave.

Morën dy ministra që bashkërenduan programet e tyre, ose kanë rënë dakor me Ramën ose Rama qeveris me keto te treja. Cilësia e qeverises, kjo tregon që vazhdojnë mosmarrëveshje të thella politike dhe mosmarrëveshje klasike. Keta kanë probleme edhe me dy individet, kanë probleme individuale dhe karakterial dhe ndarja e tortës që lidhet me korrupsionin që shpejgon këto marrëdhënie, e gjithë kjo ka lindur nga rasti DIA-s. I gjithë ky konflikt që është ashpërsuar është rasti i DIA-s. Rasti i DIA-s, u shfaq konflikti e nxori Rama, BIRN e publikoi. E kishte me Metën, shkoi në Amerikë e kështu me radhë. Rasti DIA ishte shkëndija e parë që kjo marrëdhënie e acaruar PS-LSI apo dy individëve Rama-Meta u bë më i dukshëm edhe në media është kjo që është sot.

Tani po bëhen 3 element: dekriminalizimi, reforma e drejtësisë, reforma elektroale. Reforma e drejtësisë do të ndërtojë siç e kemi marrë vesh një prokukori dhe gjykatë speciale që do të pastrojë prokurorinë dhe gjykatën dhe më pas politikën. Meta Staza, Stazat e Metës, edhe nga pikpamje figurative do ta pastrojë nga Meta Staza.

Ata kuptojnë që ky mekanizëm i drejtësisë që do të jetë me ndikim siç ka ndodhur në Rumani, Kroaci do të pastrojë politikën dhe ka nisur dyshimi më i madh me njëri tjetrin. Dhe lidhej më para zgjedhjeve, qe ishte 21 janari, dosja e korrupsionit të Ilir Metës dhe është shtuar me DIA-n, do të shtohet sa më shumë të avancojë kjo reformë, dhe nese do ngrihet nje gjykatë speciale e pavarur lufta mes PS-LSI mes Ramës dhe Metës do të acarohet maksimalisht deri në prishje mes tyre. Sepse secili do ti shpëtojë eliminimit politik në të ardhmen, për të tashmën dhe për të ardhmen nëpërmjet veprimit të prokurorisë dhe gjykatës. Sepse mendon të eliminojë kundërshtarin, kështu mendon se ka eleminuar një peshk të madh.

Rakipi: Në ditët e qeverisjes së sotme peshën më të mdhe të insitucioneve, e kanë ministritë e socialistëve që komandohen nga Rama dhe akuza është e madhe?

Islami: Qeveritë që monitorjnë watching, dhe shikojnë të gjithë ministrat, minsitrin e brendeshëm, tatimet dhe doganat, Financat, janë të PS-së. Po LSI ka numrat, në momentin që rrezikohet LSI i prish koalicionin. Kjo është marrëdhënia komplekse, secili parashikon nëse do të veprojë mekanizmi i prokurorisë dhe gjykatës speciale, duke u eliminuar njëri, shpëton tjetri. Por në fakt raporti i OSBE ODIR i ka stigmatizuar të dy….

Rakipi: Do të ketë këtë luftë dhe vendi pothuajse nuk qeveriset, kemi një shfaqe pompoze të jashtë zakoshme?

Patozi: Do të ishte kosto e madhe për vendin që të kishim kryeminsitër Edi Ramën, kësaj i shtohet barra e konfliktit të brendshëm ku gjysma është kundër gjysmës, kjo ka sjellë që shqiptarët duan të kapin Gjermaninë dhe Amerikën për të ikur.

Rakipi: Çfarë suksesi ka kjo Rilindje, iku Rilindja, ç’është arritja e Rilindjes?

Hila: Konçensionet janë dhënë të gjitha në mënyrë korruptive, tenderat kanë problem të mëdha

Hila: Në fakt ka një batutë shumë të bukur Roberto Benigni me Adriano Celentano. Benigni e pyet Celentanon se ca arritje ka qeveria Berlusconi. Dhe ai i thotë: Prit të mendohem, pasi sillet 5 minuta nëpër sallë thotë: duhet të ketë ndonjë gjë, s’dua ti harxhoj pesë minuta të vij vërdallë…

Ka atë që ka pasur gjithmonë e majta, vendosja e autoritetit të shtetit, patjetër që mund të kishte rrugë tjetër, Le të marrim pagesën e faturës së dritave, dje isha me Zotin Enver Hoxhaj, ministrin e Kosovës, më tha se nuk ekziston në zonën më të humbur në Kosovë që nuk paguan dritat dhe faturën fiskale. Kemi edhe mos pirjen e duhanit, kemi vendosjen e autoritet të shtetit për kontrollin e territorit, kishte rrugë të tjera? Patjetër që kishte. Unë s’jam dakord me anën represive duhet të ishin krijuar edhe mënyra alternative që ti jepnin mundësi personave të varfër, por kjo është sukses, ka një lloj qasje ndaj institucioneve që vihet në rrezik të madh nga korrupsioni, koncnsionet, janë dhënë në mënyrë korruptive tenderat. 1/3  e tyre jepen jashtë kritereve, ne nuk degjojmë më të bëhen tendera, ka rrezik ta bëjnë si lopa, frikën që shkaktoi ndaj elementëve të korrupturar mund të degjenerojë. Në psiskologjinë e popullit janë bërë më të ndjeshëm, po pësojnë një degradim të shpejtë, nëse nuk mbledh veten se arritje të tjera nuk ka, s’ka rritje pagash pensionesh, s’ka rritje të asisencës sociale, prej 10 vjetësh inflacioni është 2.4. Ju kemi ngrënë 24 për qind të ardhurave që marrin KESH, kjo eshte nje defekt që nuk e pashë në buxhet, nëse nuk do të merren masa drastike kjo qeverisje do të ketë kosto në 2017.

Rakipi: Z. Rama, ju lexoni libra për Rilindjen Kombëtare por edhe Europiane edhe ju jeni pjesë e rilindjes?

Luan Rama: Nuk bëj pjesë dhe nuk e quaj veten rilindas,  Rilindja nuk kishte burgun si instrument por dijen dhe ndriçimin

Luan Rama: Ndryshimet e fundit në Kodin Penal kanë qënë në kundërshtim me ligjin dhe Kushtetutën e Republikës

Rama: Nuk e quaj veten rilindas, respektoj atë periudhë të historisë së njihet si rilindje. Mbetet e ndritur dhe referencë ndaj së cilës dua të tregoj të njëjtin repsekt dhe vlerësim që kam pasur. Problemet e qeverisjes, ato që tha Dritani ekzistojnë, ka çështje që kemi qasje të ndrysme, ka një problem që dua të them, një referen që s’ka Rilindja: S’kishte burgun por iluminimin, dritën, dijen.

Rast i paprecendet që në 2 vjet e gjysmë ka ardhur kodi penal, ka ardhur gati 20 herë. Unë kam kontensuar, kam votuar kundër, se kam konsideruar dhe konsideroj në thelb deformimin e proporcianlitetin. Kjo do të thotë që personi dënohet me fajin dhe dëmin dhe kalimin në ekstrem për të dënuar me burg cilindo që nuk paguan një fature dritash. Për një mijë arsye ne e kemi konsideruar pa vend dhe të tepërt. Kemi ndikuar, janë zbutur qendrimet, varianti që ka kaluar në Kuvend nuk është i njëjtë. Në seancën e kaluar e konsideroj gabim, madje opozita që bën oponencë nuk e konsideroi atë që thashë unë, që ligji, ndryshimet e fundit që erdhën për kodin penal kanë ardhur në kundërshtim me kushtetuten dhe ligjin, sepse iniciativën për ndryshimet në kodin penal e ka marrë ministri i Financave, jo ministri i Drejtësisë sic e thote Kushtetuta. Tani para 1 jave dhe siç e thotë Kushtetuta që vendimet në qeveri shkojnë me iniciativë të ministrit përgjegjës, dhe për të thënë ka disa qasje që natyrisht stonojë me frymën apo angazhimin politik të aritukuluar para zgjedhjeve. Nuk mund të mos evidentojmë faktin që autoriteti i shtetit në shumë sektorë dhe fusha ku mungonte ose ku nuk ekzistonte duhet përshëndetur dhe vlerësuar, edhe ndër përfaqësuesit e opozitës. Pavarësisht se ça thonë në mediume është tregues i rëndësishëm i autoritetit të shtetit.

Islami: Ndoshta qëllimi është i mirë për të vendosur autoritetin por metoda është e gabuar dhe arritja është 0. Nëse ti kërkon të vësh autoritet por ke një oligark brenda radhëve të tua që e shkel ligjin për territorin, atëherë ti s’ke vendosur rregull në territor, kur koncensionet e marrin deputetët e PS. Ti fut në burg njërin që duhet të spostonte gardhin për 50 metra, donin edhe t’ja conin për skrap, e kam fjalën që standardi i dyfishtë nuk shkon.

Rakipi: Kemi koncensionim të të gjithë jetës ekonomike?

Patozi: Nuk ka pasur asnjë ditë rilindje, kjo ishte një gënjeshtër

Patozi: Mos të ketë selektivitet. E tha ambasadori i britanisë ka më shumë fukarenj në burgje se kriminel.

Blushi dikur tha që ka funeral të rilindjes, jam kategorisht kundër s’ka pasur asnjë ditë rilindje. Nëse do të kishte ekzistuar një ditë, ka qenë genjeshtër që ditën e parë, po jap një provë. E zëmë se jemi shqiptar që kemi jetuar këto dy vite dhe mësojmë se lideri i opozitës kishte devizë rilindjes, kur shqipëria ishte shumë keq se tani që kanë kaluar 2 vjet. Tani jemi te pastrimi ta pastrojmë Shqipërinë, ka sens që para dy vjetësh kishte problem që ta rilindim, mbasi rilindëm ta pastrojmë, që këtu është një non sens logjik, edhe mungesë kreativiteti.

Rakipi: Tre anëtarë të parlamentin vendosin dhe bëjnë ligje, nuk ju shqetëson koncenisionimi i gjithë vendit…

Janë tendera të fshehtë, koncension do të thotë paratë e Zotit Hila, ai ti vendos paratë, ti riskojë dhe të marrë përsipër një shërbim, po këtu kemi paratë e buxhetit që jepen dhe quhet koncension…

Islami: Kjo është e vertëtë po jepen tendera për 10 vjet, qeveria po i shtrin duart e saj në 10 vjet, kur ka vetmë 4 vjet qeverisje, edhe e dyta po shërben po thith brenda klientelë shumë të ngusht, shkakton probleme të mëdha.

Patozi: Mirë që po jepen do thojë që i jepen një grushti njerëzish por të ishin koncensione të dobishme. Risia e kësaj qeverie që e ka eksluzivitet që këtu nuk duhen bërë disa punë dhe nuk po ja japim luanit po ja japim yllit… Këtu po ndahen disa thasë nga buxheti dhe caktohen që luanit ti japim disa lekë, jusitifikimin do ta gjejmë rrugës, nuk janë punë të domosdoshme janë punë të shpikura, kjo është dramatike, na kanë akuzuar për rrugë, mund ta kemi tepruar po ngelen aty po check up, si ta masë unë, janë ca lekë që i japin një njeriu që s’ben kontrolle.

Rama: Ka sektorë dhe koncesione aq sa unë kam perceptuar shteti i ofron për sektorë që nuk janë rentabël, që nuk janë fitimprurës dhe krijon një marrëdhenie partneriteti publik privat dhe ofron për të marrë me koncension një sektor përkatës që të rritet cilësia, kam dëgjuar kam pasur kontrakt me dikë që donte të merrrte koncensonin hekurudhor.

Ndaj këtij problemi konkret s’kam qëndrim ndryshe, nuk mund të them që koncensioni është i dëmshëm.

Është shumë i rëndësishëm mënyra sesi relizohet një proces qoftë i dhënies me koncension apo me tendera apo prokurim etj etj. Rastet konkrete që lënë shteg për të hamendësuar që na krijojnë binde që ka background korruptiv, por nuk duhet të mendojmë se kjo nuk i sjell zhvillim një sektori, kërkohet më shumë seriozitet dhe ajo që kam si qytetar por edhe si sekretar i LSI dhe si deputet dhe si ish gazetar, kjo mënyrë që flisni ju ato dikastere që drejtojnë përfaqësues të LSI, ministria e Transportit i ka bërë publike për rrugën e Kombit, rrugën e Arbrit apo pjesë të tjera të infrastrukturës dhe nëse nuk është arritur deri tani.

Rakipi: Rapiskan, e di ca vjedhje është Rapiscan, ju jeni deputet unë si gazetar po ju them, 49 për qind të aksioneve të Rapiscan janë shitur në 490 lekë të vjetra, në 2014, unë të shes ty një paketë cigare, 210 mln euro, çdo vit 7 milion euro, ti më jep mua një paketë cilgare dhe ti e ke votuar…

Hila: I është ofruar asistencë Ramës  për të hedhur poshtë Rapiscanin, por nuk e ka bërë

Hila: Ne do të paguajmë rreth 150 milion euro çdo vit nga buxheti i shtetit për konçensionet

Hila: Në çdo Gjykatë Amerikanë i kanë afruar asistencë Ramës hidhej poshtë si aferë korruptive, vetem per shiotjen e aksioneve. Është e sajuar komplet nga qeveria Berisha, as nuk janë vënë skanerat,  kina do i ofronte falas dhe dua të dal në një problem tjetër, përveç se po i heqim të drejtën popullit të votojë një qeveri për politikat, do të votojmë për një qeveri që thjesht do të japë rrogat. Pika e dyte  ka lidhje me koston ekonomike, do të paguajmë çdo vit 150 milionë euro do tja paguajme këtyre koncensioneve, qe do te thote se do të pagujamë edhe koncensione edhe amdinistratë publike, paguajmë sterilizim dhe mjekësi, sepse s’jam në gjendje të administrojë si shtet. 150 milionë euro janë që të dyfishoheshin rrogat pensionet asistencat. Këto janë peshq të mëdhënj.

Rama: Kjo ofertë do të dënohej nga çdo gjykatë amerikanë pse mos të gjykohen nga gjykatë shqiptarë.

Hila: Asnjë gjykatë nuk është në gjendje, përvec rasteve ku dëshmon korruosion

Rakipi: Ky është problem shumë i madh, ti e bën kontratën njeriu shkon e bën me studio ligjore shumë të mirë ndërkombëtare e ngarkon me element që i paguan shtetit 2 ose 3 herë më shumë dhe ke të kopsitur për 10 vjet- është vjedhje e hapur ndryshe nga ata të kuponave që shkojnë në burg. Kryeministri ynë përdor fjalën burg. Nesër merr piktura dhe niset jashtë Shqipërisë ngarkuar me piktura shfaqet si artist. Një shfaqe nga burgu laroghet te artisti.

Hila:   Më thoshte një miku im shkrimtar, pasi ka pirë në klubin larte ngjitet në shtëpi shikon shtëpinë rrumujë dhe pastaj shkon prap pi

Rama: Ti je koleksionesh pikturash

Islami: Psikologët amerikanë thane se Rama vuan nga “defiçenca e vëmendjes”

Islami: E para nuk janë piktura, nuk jam shpjegimin tim, ka qenë 2009 vjen një komision i KE për monitorimin e zgjedhjeve që bashkohen me OSBE dhe krijojnë vëzhduesit ndërkombëtarë. Drejtuesja ishte një holandeze dhe i kisha shpjeguar shqetësimet per zgjedhjet dhe i thashe dëgjoja me vëmendje. Mbasi  e shpjegon, Rama dy ditë para zgjedhjeve i thotë që do ju dhurojë një libër, po s’ka titull po ka emrin tim. Pra titulli kishte dhe emër autori EDI RAMA dhe i thotë: Çfarë ka libri, ka të gjithë axhendat ditore që kam unë, kam ca lapustila dhe unë gjithë ky libër është i mbushur me axhendën që pikturoj, pse pikturoj unë, të gjitha ato që kam thërritur në axhendë nuk janë interesante ndaj edhe unë pikturoj, ai i fton njerëzit në takim dhe nuk e dëgjoj.

Po sot tha pse nuk bëje pikture? Momenti i parë, para 1 jave komunikoja me njerin lidhur me procesin e Berlinit dhe projektet e Vjenës. Shqipëria është i vetmi vend që ka marrë 1 .5 mln dhe Serbia ka marrë 27 projekte disa miliard, në distancë me ne, ishte shumë i shqetësuar e para i them bëjini, i ofroj asistencë nuk i bën nuk di çpo ndodh, kam dy miqte njëri amerikn tjetri anglez, më tha: Kryeministri juaj vuan, Mjekët psikologë thanë Attention Deficit Hyperactivity Disorder, nuk ka vëmendje. Ka çoroditje hiperaktive.

Patozi: Ilir Metën e dëgjon me vëmendje edhe kur flet nga Skrapari

Hila: Ministrat dhe kryeministrat kanë këshilltare më të rinj se veten.

Rakipi: »Të pastorjmë Shqipërinë« çfarë mendoni se është?

Islami: E ka thënë, »Të pastrojmë Shqipërinë« nga metastazat përgati një situatë pas reformës për reformën në drejtësi projektuar dhe është stili i tij, kur do ta godasë e godet mediatikisht. Mesazh goditje ndaj Metës.

Patozi: Shqipërinë s’mund ta pastrojë Rama i cili e ka bërë pis Parlamentin

Patozi: Është ajo, por jo vetëm ajo, sigurisht që Shqipëria është pis dhe është bërë më pis këto 2 vite ka shumë gjëra për të pastruar, se bën dot një njëri që s’ka dhënë asnjë sinjal që është i pastërtisë sepse nuk mund ta bëje një njeri që ka bërë pis Parlamentin. Parlamenti që Kryeministri i Republikës prej parlamentit devijojnë gjithë institucionet, ky e ka bërë pis saqë ne jemi të detyruar sot të pastorjmë veten tonë, do të votojmë një ligj poshtërues, i dekriminalizimit që kemi bshkëjetuar në atë sallë që kanë rekorde të hatashme, vrasës, trafikantë droge dhe një njeri që ka përgjegjësinë për pisllëkun e Parlamentit nuk merr dot divizën e pastërtisë, koncensioni në këto terma ishte i padëgjuar më parë, edhe qevritë mund ta kenë përodrur.

Rakipi: Pastrimi nga meta-staza

Luan Rama: Të pastrojmë Shqipërinë është bërë për të tërhequr vëmendjen nga problemet e mëdha që ka vendi

Rama: Është një metaforë gjithësesi për të përmbledhur në një të vetme çështjet e besoj unë të pastrimit të vendit nga informaliteti abuzivizmi i dallkaukllëkut, korrupsioni. Në perceptimin tim çfarë ndodh, është gjendur një refren për të tërhequr vëmendjen te ky togfjalësh ndërkohë që në qendër të vemendjes duhet të jenë të tjera prioritete, media, rendi, dhe në fakt problemet e tjera janë evidente. Eshtë vërtetë alamentante që të të vij turp të thuash që jam deputet kur i thua publikut, do të thotë që je pjesë e një vendi ku ka bandit trafikant etj.

Është për të ardhur keq që sot politika është vënë para alternativës të bëj një ligj të dekriminalizojë vetëveten.

Hila: Nuk u bë shteti pas 100 vjetësh, nuk pritën Ben Ahmetaj dhe Edi Ramën për të bërë shtet, e bëri Ismail Qemali, në 28 shpalli pavarësinë, për 2 javë bëri shtet. Të të vijë era shtet do të thonë, i thonë në perëndim, nuk bëhen gjëra me fushata, të dalësh do të dalim të pastrojmë, një burri i ka lezet të mos dalë 1 muaj, kur të dalë të thotë katër gjëra me rëndësi. Një burrë shteti shikon ligje me bashkëpunëtorë, shteti është diçka serioze që nuk mbyllet dhe fillon me fjalën burg, është marrëveshje sociale me ata që do ti qeverisë burgu është fjala  e fundit. Çështja e pastrimit është revolucionare, Shqipëria i bëri në ’44 revolucioni dhe në 91 e kemi mbyllur, tani kam hall të dalë njeri të bëj shtet të mos dal në ekrane dhe të na treogjë barsaleta.

Patozi: Kemi nevojë të heqim dorë nga pateizmi, thotë po bëj shtet se e them unë, ti bëje dhe ne e kuptojmë vetë, shteti nis që në Rinas që në pikën kufitare, bëje dhe mos e thuaj..

Rakipi: Rama po ecën »Me të pastrojmë« edhe me idenë e zgjedhje të parakohshme, profesor  do të kemi?

Islami: Mund të kemi por jo për shkak të Ramës

Patozi: Po të ishim shtet normal do i kishim mbaruar zgjedhjet, ato mund të vonojnë por edhe mund të mos vijnë, që në deklaratën e Skraparit ishte në zgjedhje edhe kishim matur forcat.

Hila: Edi Rama është në dishezë të plotë 

Hila: Zgjedhjet e reja Edi Rama e tejkaloi, është në dishezë, do marrë më pak vota, ja merr LSI, Edi Rama

Rama: S’ka arsye për të shkuar në zgjedhje ça ka ndodhur deri tani nuk besoj

Rakpi: Kemi reformë në drejtësi siç mendohet?

Rakpi: Kemi reformë në drejtësi siç mendohet?

Islami: Mendoj se ka një mision më të gjatë për tu shtjelluar, SHBA dhe BE,  gjermanët janë të interesuar të ngrenë një model drejtësie edhe në Shqipëri siç ka ndodhur ne Rumani, Kroaci duke menduar se Shqipëria po i afrohet procesit të anëtarësimit, sa do ndodhë,  sido të ndodh sa e pastër dhe pa influencë politike është e diskutueshme, amabsadori ameriakn ka thënë do t’ju ndihmojë, t’ju asistojmë të ndërtoni me standarde dhe mendohet që kjo do të ishte rruga  e butë për ta nxjerrë Shqipërinë nga situata ku është rruga tjetër do të ishte trazira.

Patozi: Bast nuk ve dot e shoh si vrapim me pengesa edhe mundet të  bëhet, edhe në rast se do të ketë unë mendoj se është e pamjaftueshme, s’kemi nevojë. Sot kemi nvojë për reformë kushtetuese, pra për shkundje të sistemit, ku një nga elementet të jetë për drejtësi, sepse kemi lënë sisteme në mëshirë të fatit.

Rama: Pa një proces konsneual gjithëpërfshirës, me opozitën të aktrorëve politkë në vend, opozita, pa një proces transparent për publikun dhe pa një paketë të plotë që të shoqërojë parimet që po ndërtohet reforma nuk do të jetë e sukseshme. Reforma në drejtësi nuk mund të jetë  e shpkeputur nga tërësia  e korpuseve ligjore, pa kod pa kushtetutë, pa kod penal, pa kod të procedurës civile, kod familje do të thotë më shumëfjalë se produkt real.

Hila: Prudoni që është themel i të majtë moderne, i cili thotë se marrëdhnia e shtetit me individin është represioni, E vetmja ë që i dallon është drejtësia, poli i lirisë që duhet të mblidhemi të gjithë për një botë më të drejtë. Si krah politik shpresoja që e majta do ta bëntë, nuk do ndodh se dy liderët Rama dhe Berisha nuk duan një drejtësi të pavarur.

 

Komento